Cad is féidir le Comhóstaigh a dhéanamh

D'fhéadfadh óstáil tréimhsí fanachta a bheith níos éasca le tacaíocht ó Chomhóstaigh. Idir ghlanadh agus an áit a réiteach don chéad aoi eile agus fáilte a chur roimh aíonna agus aire a thabhairt dóibh, is féidir le Comhóstaigh go leor freagrachtaí óstála a ghlacadh orthu féin. D'fhéadfaidís tacú leat ar bhealaí éagsúla, mar sin is féidir leat ceadanna a shocrú anois do gach Comhóstach chun an méid is féidir leis nó léi a rochtain agus a bhainistiú ar do liostú a roghnú.

Ceadanna Comhóstach

Ní chinneann ceadanna Comhóstach ach na rudaí a bhfuil rochtain acu orthu ar do liostú ar Airbnb, mar sin beidh ort fós ionchais a shocrú le do Chomhóstaigh faoi conas is féidir leo cabhrú le d'áit. Mar úinéir an liostaithe, tá tú freagrach as do Chomhóstaigh—fiú na Comhóstaigh siúd ar chuir Comhóstaigh eile, a bhfuil rochtain iomlán acu, leis iad—mar sin bí cinnte go roghnóidh tú go cúramach iad.

Roghnaigh na ceadanna Comhóstach a oireann do na daoine a chuidíonn leat óstáil:

• Rochtain iomlán: Is féidir le do Chomhóstach teachtaireacht a chur chuig aíonna agus d'fhéilire a nuashonrú. Is féidir leis nó léi do liostú a bhainistiú, mar shampla, an phraghsáil agus sonraí eile, agus is féidir leis nó léi áirithintí a bhainistiú, mar shampla, glacadh le hiarratais ar thurais agus iad a dhiúltú, cealuithe agus d'iarratais ar dhamáiste agus iarratais eile san Ionad Réitigh chomh maith le d'iarratais ar aisíocaíocht faoi Chosaint Damáiste d'Óstaigh. Is féidir leis nó léi ceadanna do Chomhóstaigh a chur leis, a bhaint nó a nuashonrú, ach gan Comhóstaigh eile a bhfuil rochtain iomlán acu a chur leis, nó iad féin—nó Comhóstach eile—a ainmniú mar Phríomhóstach an liostaithe.
• Rochtain ar an bhféilire agus ar theachtaireachtaí: Is féidir le do Chomhóstach teachtaireacht a chur chuig aíonna agus an féilire a fheiceáil ach ní feidir leis nó léi an féilire a chur in eagar.
• Rochtain ar an bhféilire: Is féidir le do Chomhóstach an féilire a fheiceáil ach gan é a chur in eagar.

Tabhair faoi deara nach féidir le haon Chomhóstach modh eisíocaíochta nó eolas cáiníocóra úinéara liostaithe nó Comhóstaigh eile a fheiceáil ná a athrú. Ní féidir ach le húinéirí liostaithe eisíocaíochtaí Comhóstaigh a chur ar bun nó a chur in eagar. Ní féidir le Comhóstaigh iarratais ar aisíocaíocht a chur isteach faoi chosaint damáiste d'Óstaigh.

Is féidir le gach Comhóstach atá ar liostú dul i dteagmháil leis an Óstach nó le Comhóstach eile ar an liostú céanna. Is féidir libh go léir bhur dteachtaireachtaí a bhainistiú ar bhealach níos éasca agus cuardach, scagairí, freagraí tapa agus teachtaireachtaí sceidealaithe le chéile san aon áit amháin.

Faigh tuilleadh eolais faoin dóigh a n-oibríonn teachtaireachtaí idir Óstaigh agus Comhóstaigh.

Na ceadanna cearta a roghnú

Comhóstaigh a cuireadh le do liostú sular thugamar na ceadanna seo isteach, beidh ceadanna rochtana iomlána acu mar réamhshocrú. Nuair a thabharfaidh tú cuireadh do Chomhóstaigh nua chuig do liostú, beidh ort a gceadanna a roghnú. Is féidir leat ceadanna Comhóstaigh a athrú ag am ar bith, agus ní dhéanfaidh athrú ceadanna difear d'eisíocaíochtaí Comhóstaigh.

Treoróidh an t-eolas seo thú trí na ceadanna is fearr a oirfidh do gach duine de do Chomhóstaigh, bunaithe ar an gcaoi a gcabhraíonn siad leat óstáil agus ar an méid a d'aontaigh sibh a dhéanfaidh siad.

Conas ceadanna an Chomhóstaigh a athrú

Chun a bhfuil rochtain ag Comhóstach air ar do liostú a roghnú:

Más gá duit rochtain Comhóstaigh ar do liostú a bhaint, faigh amach conas Comhóstach a bhaint.

Conas cuireadh a thabhairt do Chomhóstach nua agus ceadanna a roghnú

Comhóstach nua a chur le do liostú:

Nóta: Tá Óstaigh, nó Comhóstaigh a bhfuil rochtain iomlán acu, freagrach as a chinntiú gur thoiligh Comhóstaigh le cuirí a fháil trí théacs nó trí ríomhphost. Bíodh a fhios agat nach féidir ach le húsáideoirí cláraithe Airbnb cuirí a fháil trí théacs agus, ag brath ar shuíomh nó ar shocruithe cuntais do Chomhóstaigh, d'fhéadfadh sé nach bhféadfaí cuirí a sheoladh trí théacs. Mura bhfuil sé sin déanta acu cheana féin, beidh ar Chomhóstaigh nua deimhniú aitheantais a chríochnú sular féidir leo glacadh le cuireadh.

Aimsigh Comhóstach seanbhunaithe

D'fhéadfadh cara, ball den teaghlach nó duine éigin a d'fhostaigh tú chun do liostú a bhainistiú a bheith i gceist le Comhóstaigh. 

Má tá tú ag lorg Comhóstach ionchasach, i roinnt tíortha* is féidir leat teagmháil a dhéanamh le Comhóstach seanbhunaithe in aice láimhe ag a bhfuil taithí ar óstáil ar Airbnb agus a thairgeann seirbhísí éagsúla chun cabhrú le hÓstaigh. Beidh smacht agat ar do liostú i gcónaí agus gheobhaidh tú an cúnamh a theastaíonn uait. Aimsigh Comhóstach seanbhunaithe in aice leat agus tosaigh ag plé conas a chomhoibreoidh sibh le chéile.