D'áirithint a chur ar ceal le linn d'fhanachta

Má tharlaíonn aon rud gan choinne le linn d'fhanachta, molaimid teachtaireacht a chur chuig d’Óstach chun réiteach a phlé ar dtús. Gach seans go gcuideoidh siad leat é a réiteach láithreach. Más maith leat aisíocaíocht a iarraidh nó d’áirithint a chur ar ceal, is féidir linn cuidiú leat iarratas le d’Óstach a thosú.

Cuir teachtaireacht chuig d'Óstach

Is smaoineamh maith é go ginearálta labhairt le d’Óstach ar dtús. Is féidir leat teachtaireacht a chur chuig d'Óstach go díreach chun réiteach a phlé. Má thagann tú ar chomhaontú ar réiteach le d’Óstach, beidh níos mó seans ann go gceadófar d’iarratas. Má bhíonn d'fhadhb réitithe ag d’Óstach cheana féin agus más féidir leat leanúint ar aghaidh le d'fhanacht, ná bac leis na céimeanna seo a leanas.

Cuir tús le hiarratas laistigh de 24 uair an chloig

Má theastaíonn uait d’áirithint a chur ar ceal le linn d'fhanachta fós, is féidir linn cuidiú leat iarratas a thosú chun an fhadhb a réiteach le d’Óstach. Nuair a dhéanfaidh tú é seo, is féidir leat a roghnú a iarraidh ar d’Óstach an fhadhb a réiteach, aisíocaíocht pháirteach a iarraidh, nó a iarraidh go gcuirfear d’áirithint ar ceal haghaidh aisíocaíocht iomlán. Má ghlacann sé nó sí le d'iarratas, seolfar d'aisíocaíocht chuig an modh íocaíochta a d'úsáid tú nuair a rinne tú an áirithint. Má dhiúltaíonn d'Óstach nó mura bhfreagraíonn sé nó sí, is féidir leat a iarraidh ar Airbnb cuidiú leat.

1. Bailigh fianaise: Glac grianghraif nó físeáin, más féidir, chun fadhbanna amhail saoráid atá in easnamh nó briste a thaifeadadh.
2. Cuir iarratas isteach chuig d'Óstach: déanfaidh tú cur síos ar an bhfadhb, soláthróidh tú grianghraif más féidir leat, agus cuirfidh tú in iúl don Óstach conas is mian leat í a réiteach. Tá sé tábhachtach go bhfaighfeá cabhair laistigh de 24 uair an chloig ón bhfadhb a thabhairt faoi deara. Mura bhfaighidh, d’fhéadfadh sé go mbeadh tionchar aige sin ar mhéid d'aisíocaíochta.
3. Fan go bhfaighidh tú freagra uaidh nó uaithi: Má dhiúltaíonn sé nó sí nó mura bhfreagraíonn sé nó sí laistigh de 1 uair an chloig, is féidir leat a iarraidh ar Airbnb cuidiú leat. Féachfaidh Airbnb ar an bPolasaí um Aíonna a Aisíoc chun cabhrú leat an fhadhb a réiteach.