Conas is féidir leat tacú le tréimhsí fanachta éigeandála in am an ghátair

Nuair a chuireann tubaistí nádúrtha nó coinbhleachtaí mórscála iallach ar dhaoine teitheadh óna dtithe, is é ceann de na riachtanais is práinní atá acu ná áit le fanacht a fháil. Tugann tithíocht ghearrthéarmach spás dóibh díriú ar thosaíochtaí eile agus pleananna níos fadtéarmaí a dhéanamh. Is féidir leat tionchar a imirt trí thréimhsí fanachta éigeandála a óstáil nó trí thabhartas a thabhairt do Airbnb.org.

Is eagraíocht neamhbhrabúis US 501(c)(3) é Airbnb.org a oibríonn go neamhspleách ar Airbnb. Cuireadh tús leis an obair in 2012, nuair a thairg Shell, óstach in Brooklyn, Nua-Eabhrac, a háit saor in aisce d'aslonnaithe Hairicín Sandy. D'iarr Airbnb tacaíocht ó dhaoine eile sa phobal, agus d'oscail breis agus 1,000 óstach áitiúil a dteach do dhaoine a bhí thíos leis an stoirm.

Faoi anáil ghníomhartha Shell, d'fhorbair Airbnb clár a chuir ar chumas óstach ar fud an domhain a n-áit a chur ar fáil le linn géarchéime. In 2020, rinneadh eagraíocht neamhbhrabúis Airbnb.org den chlár seo, agus a misean agus a bord stiúrthóirí féin aici.

Sa lá atá inniu ann, oibríonn Airbnb.org le rialtais, le heagraíochtaí neamhrialtasacha agus le heagraíochtaí daonnúla ar fud an domhain chun daoine a chur le háiteanna sealadacha le fanacht. Agus é maoinithe ag deontóirí, baineann sé úsáid as ardán teicneolaíochta Airbnb agus pobal domhanda na n-óstach chun tubaistí nádúrtha, coinbhleachtaí agus éigeandálaí eile a fhreagairt.

Chuir Airbnb.org breis agus 1.6 milliún oíche fanachta éigeandála ar fáil do bhreis agus 250,000 duine, ina measc sin dídeanaithe agus daoine a bhí easáitithe ag tubaistí nádúrtha. Tá an gá le tacaíocht ag fás i gcónaí.

Is féidir leat tabhartas aon uaire a thabhairt, cibé acu atá spás agat le hóstáil nó nach bhfuil. Má óstálann tú go rialta ar Airbnb, is féidir leat céatadán sonraithe de gach eisíocaíocht a thabhairt. Ar aon nós, úsáidfear 100% de do thabhartas chun tréimhsí fanachta éigeandála a mhaoiniú (agus ní le costais oibríochtúla Airbnb.org).

Más óstach Airbnb thú, is féidir leat liostú reatha a úsáid nó ceann nua a chur ar bun maidir le réadmhaoin eile. Tá an rogha agat d'áit a chur ar fáil saor in aisce nó ar lascaine trí Airbnb.org.

Is féidir leat clárú chun dul i mbun óstála trí Airbnb.org amháin freisin, rud a chiallaíonn nach n-óstálfaidh tú ach aíonna a bhfuil áiteanna fanachta éigeandála de dhíth orthu. Sa chás sin, caithfidh tú d'áit a chur ar fáil saor in aisce.

Ní ghearrtar aon chostas ar aíonna Airbnb.org as fanacht. Is trí thabhartais a mhaoinítear áirithintí. Ag cur d'áit ar fáil saor in aisce nó ar lascaine duit, is féidir leat fad a bhaint as tabhartais agus áiteanna fanachta éigeandála a chur ar fáil do níos mó daoine.

Íocann Airbnb costais oibriúcháin uile Airbnb.org, agus mar sin úsáidtear 100% de na tabhartais go díreach chun tithíocht éigeandála a chur ar fáil. Ní dhéanann Airbnb airgead ar bith ar na tréimhsí fanachta seo. Tá áirithintí faoi chosaint ag AirCover d'Óstaigh.

Is minic le heagraíochtaí a bhfuil de chuspóir acu freagairt do ghéarchéimeanna agus athlonnú dídeanaithe aíonna Airbnb.org a atreorú nó tacú leo. Ní féidir le haíonna iarratas a dhéanamh ar fhanacht éigeandála trí Airbnb.org go díreach.

I measc na n-aíonna atá incháilithe le haghaidh áiteanna fanachta éigeandála tá:

• Daoine atá thíos le tubaistí móra, agus oibrithe fóirithinte atá ag freagairt na dtubaistí sin ina gcáil oifigiúil.
• Dídeanaithe nó daoine atá ag iarraidh tearmainn, Víosa Speisialta d'Inimircigh nó stádas eile inimirce a bhfuil cuspóir daonnúil den chineál céanna aige.

D'fhéadfadh aíonna incháilithe creidmheas Airbnb.org a fháil chun fanacht éigeandála a chur in áirithe, nó d'fhéadfadh comhpháirtí neamhbhrabúis áirithint a dhéanamh thar ceann na n-aíonna agus an chumarsáid leis an óstach a bhainistiú.

Tugann do spás sólás do dhaoine i dtráth géarchéime. D'fhág Dima, aoi Airbnb.org i mBeirlín, an Úcráin in 2022.“Bhí mé chomh maoithneach na chéad laethanta sin,” arsa Dima. “Níl a fhios agam fiú cé acu ba thábhachtaí dom: a bheith i spás sábháilte nó an méid tacaíochta atá agam a thuiscint.”

Beidh. Nuair a chláraíonn tú chun tréimhsí fanachta éigeandála a chur ar fáil saor in aisce nó ar lascaine, nó nuair a chuireann tú tabhartais athfhillteacha as eisíocaíochtaí ar bun, tuilleann tú suaitheantas tacadóra Airbnb.org ar do phróifíl óstaigh.

Easáitítear na milliúin daoine ar fud an domhain a óna dteach mar gheall ar choinbhleacht agus ar thubaiste. Is féidir leat difríocht shuntasach a dhéanamh i saol na ndídeanaithe, na n-aslonnaithe agus na n-oibrithe fóirithinte ach do theach a oscailt, nó tabhartas a thabhairt chun tacú le tréimhsí fanachta éigeandála.