Tithe a oscailt i dtráth géarchéime le Airbnb.org

Mar óstaigh, tá sibh ábalta daoine a chur ar a suaimhneas i bhur spás agus spreagann sin gach uile lá muid. Táimid bródúil go háirithe as an tacaíocht a thug ár bpobal Óstach do Airbnb.org, an eagraíocht neamhbhrabúis a bunaíodh in 2020 chun cur leis an obair a thosaigh na cláir Tithe Oscailte agus Áiteanna fanachta ar an líne thosaigh.

Ó bhí 2020 ann, d’oscail sibh bhur dteach do níos mó ná 220,000 duine, ina measc sin dídeanaithe, iarrthóirí tearmainn, oibrithe fóirithinte agus daoine a tháinig slán as tubaistí nádúrtha ar fud an domhain.

Tá obair Airbnb.org indéanta a bhuí le flaithiúlacht na nÓstach a sholáthraíonn tréimhsí fanachta agus na ndeontóirí a sholáthraíonn maoiniú chun tacaíocht a thabhairt do dhaoine i dtráth géarchéime.

Táimid ag ceiliúradh fhlaithiúlacht an phobail Óstach trí shuaitheantas Tacadóra Airbnb.org a thairiscint. Is féidir le hÓstaigh tacú le Airbnb.org agus an suaitheantas a thuilleamh ach:

• Clárú chun tréimhsí fanachta éigeandála a óstáil saor in aisce nó ar lascaine

• Bheith i do dheontóir athfhillteach

Aithníonn suaitheantas Tacadóra Airbnb.org Óstaigh a bhfuil liostú gníomhach amháin ar a laghad acu trí Airbnb.org a sholáthraíonn tréimhsí fanachta éigeandála saor in aisce nó ar lascaine. Is éard atá i gceist le fanacht Airbnb.org a sholáthar ná tithíocht a chur ar fáil d'aslonnaithe, dídeanaithe nó daoine eile a dteastaíonn cóiríocht shealadach uathu le linn géarchéime.

Faigh tuilleadh eolais faoi óstáil chun maitheas a dhéanamh

Is féidir leat suaitheantas Tacadóra Airbnb.org a thuilleamh freisin trí chlárú chun céatadán de d’eisíocaíochtaí a thabhairt do Airbnb.org ar bhonn leanúnach. Nó, más fearr leat, is féidir leat tabhartas aon uaire a dhéanamh gan cáiliú don suaitheantas.

Cén gaol atá ag Airbnb.org le Tithe Oscailte agus le hÁiteanna fanachta ar an líne thosaigh?
In 2020, rinneadh eagraíocht neamhbhrábúis 501(c)(3), Airbnb.org, de chláir Airbnb Tithe Oscailte agus Áiteanna fanachta ar an líne thosaigh. Cé go bhfuil cuid de na baill phobail chéanna ag Airbnb agus atá ag Airbnb.org, is eagraíocht neamhspleách í an eagraíocht neamhbhrabúis agus bord neamhspleách stiúrthóirí aici.

Cá bhfuil suaitheantas Tacadóra Airbnb.org le feiceáil?
Tá an suaitheantas sin le feiceáil ar do phróifíl Óstaigh. Más mian leat do shuaitheantas a cheilt, déan teagmháil lenár bhfoireann tacaíochta.

An mbeidh tionchar ag an suaitheantas ar mo liostú sa chuardach? 
Tugann an suaitheantas ómós don tacaíocht fhlaithiúil a thugann tú do Airbnb.org. Ní théann sé i bhfeidhm ar an dóigh a léirítear liostuithe i dtorthaí cuardaigh Airbnb, agus ní féidir le haíonna a gcuardaigh a scagadh de réir shuaitheantais Airbnb.org faoi láthair.

An dtéann an suaitheantas i bhfeidhm ar mo shuaitheantas Sáróstaigh nó ar mo stádas mar Sháróstach?
Níl aon tionchar ag an suaitheantas Tacadóra Airbnb.org ar do shuaitheantas Sáróstaigh nó ar do stádas mar Sháróstach. Beidh an suaitheantas le feiceáil in aice le do shuaitheantas Sáróstaigh.

An gcaillfidh mé suaitheantas Tacadóra Airbnb.org má tharraingím amach as óstáil nó as tabhartais a thabhairt ar Airbnb.org ?
Caillfidh, ach beidh an suaitheantas le feiceáil arís má thosaíonn tú ag óstáil trí Airbnb.org nó ag tabhairt tabhartais do Airbnb.org arís. Is féidir leat i gcónaí do theach a dhíliostú de Airbnb.org nó do thabhartas athfhillteach a chur ar sos nó a stopadh.

Cén chaoi a bhfuil Airbnb ag cabhrú?
Ghabh Airbnb air féin costais oibriúcháinAirbnb.org a mhaoiniú, ionas gur féidir gach tabhartas a dhíriú ar na comhpháirtithe neamhbhrabúis agus na daoine a bhfreastalaíonn Airbnb.org orthu.