Óstáil le muinín lenár bpolasaithe agus lenár gcosaintí

D'inis go leor agaibh dúinn gur breá libh bhur spás a roinnt agus ceangal a dhéanamh le daoine ó gach cearn den domhan. Ar ndóigh, ní fhéadfaí sin a dhéanamh dá gceapfá nach raibh tacaíocht á fáil agat agus tú ag óstáil.

Tuigimid go dteastaíonn Airbnb uait chun tacaíocht a thabhairt duit sna fíor-chorrchásanna nach dtiteann rudaí amach mar a bhí beartaithe. Chun cabhrú leat óstáil go muiníneach, seo cuid de na huirlisí, polasaithe agus gnéithe atá i bhfeidhm againn.

Ag Airbnb, seasaimid amach mar gheall ar ár gcosaintí cuimsitheacha d'Óstaigh agus cuidíonn siad linn ár bpobal a choinneáil slán.

• AirCover d'Óstaigh: Cuimsímid cosaint ó bharr go bun do gach Óstach ar Airbnb. Cuireann AirCover d'Óstaigh cosaintí réamhthurais ar fáil lena chinntiú gurb iad féin i ndáiríre na haíonna a dhéanann áirithintí trí mheán deimhnithe aitheantais aoi, agus laghdaíonn sé an seans go mbeidh cóisirí trioblóideacha ann agus go ndéanfar damáiste do réadmhaoin trí mheán teicneolaíochta scagtha áirithintí. Cuimsíonn sé freisin $1 mhilliún USD in árachas dliteanais d'Óstaigh agus $3 mhilliún USD i gcosaint damáiste d'Óstaigh, a chlúdaíonn ealaín, earraí luachmhara, carranna páirceáilte, báid agus feithiclí eile.
• Príomhrialacha: Is ionann príomhrialacha d'aíonna agus sraith caighdeán infheidhmithe nach mór do gach aoi cloí leo. Éilítear le príomhrialacha go gcaitheann aíonna go measúil le do spás, go gcloíonn siad le do rialacha tí, go ndéanann siad cumarsáid go pras má thagann fadhbanna chun cinn, agus go bhfágann siad do theach i riocht nach dteastaíonn glanadh iomarcach uaidh.
• Cealuithe óstaigh: Tá an ceart agat léirmheasanna aíonna agus snáitheanna teachtaireachtaí a mheas, agus áirithint a chur ar ceal má cheapann tú le réasún go dtiocfaidh cóisir aisti. Iarrfar ort fianaise a chur isteach chuig Tacaíocht Phobail. Caithfidh gach cealú a bheith i gcomhréir lenár bpolasaí neamhleithcheala.

Baineann cuid den óstáil le hionchais a shocrú ionas nach dtarlódh teagmhais sa chéad áit. Seo cuid de na gnéithe atá cruthaithe againn chun cuidiú leat aíonna a bheidh oiriúnach do do spás a mhealladh:

• Socruithe féilire agus áirithinte: Ag tosú le cé mhéad duine atá ábalta fanacht i d'áit, cuireann tú in iúl d'aíonna cad a oireann duit. Roghnaigh cá mhéad oíche is féidir le haíonna fanacht, cé chomh fada roimh ré is féidir áirithint a dhéanamh, agus cá mhéad ama a bheidh uait idir tréimhsí fanachta. Faigh tuilleadh eolais faoi do shocruithe áirithinte a roghnú
• Polasaithe cealaithe: Sonrófar go soiléir sa pholasaí cealaithe a roghnóidh tú cá mhéad fógra a chaithfidh d’aíonna a thabhairt más mian leo a n-áirithint a chur ar ceal agus aisíocaíocht iomlán a fháil. Faigh tuilleadh eolais faoi pholasaí cealaithe a roghnú
• Rialacha tí: Is féidir do rialacha tí caighdeánacha—amhail cosc ar chaitheamh tobac, ar vápáil nó ar pheataí—a shaincheapadh agus cuidíonn siad le haíonna do chuid ionchas a thuiscint ionas gur féidir leo a chinneadh an bhfuil do spás oiriúnach dóibh. Tá do rialacha tí le feiceáil i gceithre áit: ar leathanach do liostaithe, ar an scáileán deimhnithe nuair a chuireann aíonna do spás in áirithe, agus sa ríomhphost Pacáil do Mhálaí agus sa Treoir Theachta a fhaigheann aíonna roimh an turas. Le príomhrialacha d'aíonna, is féidir aon rud a chuirfidh tú i do rialacha caighdeánacha tí a fhorfheidhmiú.
• Uirlisí freagartha: Mura bhfuil tú compordach le hiarratas ar thuras, tá an rogha agat é a dhiúltú fad is atá tú ag cloí lenár bpolasaí neamhleathcheala.

Fiú agus na caighdeáin agus na socruithe seo i bhfeidhm, bíonn fíor-chorrchás ann nach dtarlaíonn rudaí mar a bhíothas ag súil leis. Nuair a tharlaíonn a leithéid, tá roinnt bealaí ann chun tacaíocht a fháil ó Airbnb:

• Comhrá beo: Is é tacaíocht ar líne Airbnb an bealach is gasta chun an cuidiú a theastaíonn uait a fháil le haghaidh fadhbanna neamhphráinneacha amhail d’fhéilire a nuashonrú nó do phraghsáil a choigeartú.
• Tacaíocht thiomnaithe do Sháróstaigh: Más Sáróstach thú, déanfaidh tú ceangal gan stró le ball foirne sa tseirbhís do chustaiméirí gach uair a iarrfaidh tú cuidiú.
• Líne éigeandála áitiúil: Tá a fhios againn go bhféadfadh sé nach mbeadh a fhios ag aíonna atá ag taisteal i dtíortha nach bhfuil taithí acu orthu conas dul i dteagmháil leis na seirbhísí éigeandála áitiúla, agus mar sin sheolamar cnaipe glao éigeandála ionaipe. Soláthraíonn an cnaipe seo líne dhíreach chuig na seirbhísí áitiúla um fhorfheidhmiú an dlí agus seirbhísí éigeandála áitiúla le linn áirithint ghníomhach.
• Líne um thacaíocht éigeandála: Má tá tú sna Stáit Aontaithe agus má bhíonn fadhb phráinneach agat a bhaineann le do shlándáil nó le do shábháilteacht le linn áirithint ghníomhach, is féidir leat ceangal a dhéanamh go tapa le speisialtóir chun cabhair a fháil trínár n-aip.

Tá sé ríthábhachtach go gcothóimid muinín ionas go n-éireoidh le pobal Airbnb—agus tá súil againn go gcuideoidh na cosaintí agus na gnéithe seo linn é sin a bhaint amach. Mar is gnách, go raibh maith agat as bheith i d'Óstach.

Ní chlúdaíonn cosaint damáiste d'Óstaigh, árachas dliteanais d'Óstaigh ná árachas dliteanais d'Eispéiris Aircover d'Óstaigh Óstaigh a chuireann áiteanna fanachta agus Eispéiris ar fáil sa tSeapáin, áit a bhfuil Árachas d'Óstaigh na Seapáine agus Árachas Cosanta Eispéiris na Seapáine i bhfeidhm, ná Óstaigh a chuireann áiteanna fanachta ar fáil trí Airbnb Travel LLC. Maidir leis na hÓstaigh siúd a chuireadh áiteanna fanachta nó eispéiris ar fáil ar mhórthír na Síne, tá an Plean Cosanta d'Óstaigh na Síne i bhfeidhm. Coinnigh i gcuimhne gur in USD a thaispeántar na teorainneacha clúdaigh go léir.

Tá árachas dliteanais d'Óstaigh agus árachas dliteanais d'Eispéiris frithgheallta ag árachóirí tríú páirtí.

Ní árachas í cosaint damáiste d'Óstaigh agus ní bhaineann sí le hárachas dliteanais d'Óstaigh. Faoi chosaint damáiste d'Óstaigh, aisíoctar thú as damáistí áirithe a dhéanann aíonna do do theach nó do do chuid giúirléidí mura n-íocann an t-aoi as an damáiste sin. Maidir le liostuithe i Stát Washington, tá oibleagáidí conarthacha Airbnb faoi chosaint damáiste d'Óstaigh clúdaithe ag polasaí árachais a cheannaigh Airbnb. Maidir leis na hÓstaigh siúd a bhfuil a dtír chónaithe nó a dtír bhunaíochta lasmuigh den Astráil, tá na Téarmaí seo maidir le Cosaint Damáiste d'Óstaigh i bhfeidhm. Maidir leis na hÓstaigh siúd a bhfuil a dtír chónaithe nó a dtír bhunaíochta san Astráil, tá cosaint damáiste d'Óstaigh faoi réir na dTéarmaí maidir le Cosaint Damáiste d'Óstaigh d'Úsáideoirí san Astráil.

Seans gur athraigh an t-eolas atá sa mhír seo ó foilsíodh í.