Déan nascleanúint chun teacht ar thorthaí molta
    Níl an t-ábhar seo ar fáil i do theanga roghnaithe, mar sin chuireamar ar fáil é sa teanga is cosúla léi atá ar fáil.

    Acmhainní frithchiníochais do phobal Airbnb

    Seo roinnt bealaí ar féidir leat bheith i do chomhghuaillí níos fearr.
    Le Airbnb ar an 1 Meith 2020
    Léamh 2 nóiméad
    Nuashonraithe ar an 28 Aib 2021

    Buaicphointí

    Anuraidh, spreag básanna tragóideacha George Floyd, Breonna Taylor, Ahmaud Arbery, agus daoine dubha eile gan áireamh tréimhse an-deacair do go leor daoine, Óstaigh agus aíonna ina measc. Chonaiceamar méadú tobann ar an bhforéigean i gcoinne mhuintir na hÁise chomh maith.

    D'ullmhaigh grúpa acmhainní fostaithe Black@ Airbnb Treoir maidir le Gníomhaíochas & Comhghuaillíocht, agus rinneamar é a roinnt lenár bpobal sna Stáit Aontaithe. Ba é an aidhm a bhí leis tacú le hóstaigh agus le haíonna a bhí cráite, feargach, scanraithe nó a bhí neamhchinnte faoi conas athrú a dhéanamh agus acmhainní a chur ar fáil do bhaill ár bpobail le go mbeidh siad ina gcomhghuaillithe níos fearr.

    Tá idirdhealú ina mhórbhagairt ar phobal atá cothaithe ar mhuintearas agus ar ghlacadh. Tagann sé salach ar gach rud faoi cé muid féin agus cad a chreidimid ann. Ní ghlacann Airbnb le ciníochas, le biogóideacht, ná le fuath. Cé go gcuirimid fáilte roimh bhreithiúnas na trialach maidir le bás George Floyd, tá a fhios againn nach dtabharfaidh sé ar ais beatha amháin a cailleadh go tragóideach ná nach gcuirfidh sé deireadh leis an troid atá ag dul ar aghaidh ar feadh na gcéadta bliain chun sochaí níos cothroime agus níos cuimsithí a fhorbairt.
    Ní ghlacann Airbnb le ciníochas, le biogóideacht, ná le fuath.

    Ní féidir linn labhairt faoi na himeachtaí a tharla le déanaí gan an fhírinne lom a aithint go dtarlaíonn idirdhealú fós do roinnt Óstach agus aíonna ar fud an domhain, rud a thagann salach ar ár misean chun muintearas a chruthú. In 2016, sheol Airbnb ár bPolasaí Neamhleithcheala agus ár nGealltanas Pobail. Ó shin i leith, baineadh níos mó ná 1.3 milliún duine a dhiúltaigh aontú leo ónár n-ardán. Tá obair le déanamh againn fós agus táimid ag troid i gcoinne an idirdhealaithe.

    Le déanaí, roinneamar acmhainní chun cabhrú leat tacú le pobal Oileáin na hÁise agus an Aigéin Chiúin, agus leathnaíomar an Treoir maidir le Gníomhaíochtas & Comhghuaillíocht a luamar thuas.

    Sa Treoir nuashonraithe maidir le Gníomhaíochas & Comhghuaillíocht soláthraítear léamha agus gníomhaíochtaí molta ó ghníomhaithe agus ó shaineolaithe frithchiníochais sna Stáit Aontaithe, sa Ríocht Aontaithe agus san Aontas Eorpach, agus in Éirinn, san Afraic Theas, i Ceanada, agus go leor eile chomh maith. Shíleamar go mbeadh sé ina chuidiú na hacmhainní nua seo a roinnt leat—mar go n-oibrímid go léir le chéile le go mbeimid inár gcomhghuaillithe níos fearr agus níos gníomhaí.

    Tabhair aire duit féin le do thoil, agus bí sábháilte.

    I ndlúthpháirtíocht,

    Foireann Airbnb

    Seans gur tháinig athrú ar an eolas atá sa mhír seo ó foilsíodh í.

    Buaicphointí

    Airbnb
    1 Meith 2020
    Ar chabhraigh sé seo leat?