Conas a chosnaíonn Airbnb óstaigh

Tá tú faoi chosaint ag ár bpolasaithe nuair a úsáideann tú Airbnb le haghaidh cumarsáide, áirithintí agus íocaíochtaí.

SoláthraíonnAirCover d'Óstaighcosaint ó bhun go barr saor in aisce gach uair a chuireann tú fáilte roimh aíonna. Cuimsíonn sé:

• $3 mhilliún USD i gcosaint damáiste d'Óstaigh, lena n-áirítear clúdach d'earraí luachmhara, do charranna páirceáilte agus do bháid
• $1 mhilliún USD in árachas dliteanais d'Óstaigh
• Deimhniú aitheantais aoi
• Grinnfhiosrúchán ar aíonna a dhéanann áirithintí nuair a cheadaítear sin de réir an dlí
• Scagadh dílsithe áirithintí chun an seans go mbeidh cóisirí callánacha ann agus go ndéanfar damáiste do réadmhaoin a laghdú

Éilíonn Airbnb ar gach aoi cloí leis na príomhrialacha sula ndéanfaidh sé nó sí áirithint. Ní mór dóibh:

• Caitheamh le do theach mar a chaithfidís lena dteach féin. Ní mór d’aíonna do theach a fhágáil i riocht nach dteastaíonn glanadh iomarcach uaidh agus déanamh de réir na dtreoirlínte maidir le bruscar agus damáiste.
• Cloí le do rialacha tí. Áirítear leis sin cloí leis an líon ceadaithe aíonna, leis an am don tseiceáil isteach agus leis an am don tseiceáil amach, agus leis na huaireanta ciúine.

Mura gcloíonn aíonna leis na rialacha sin, is féidir leat teagmháil a dhéanamh le Tacaíocht Airbnb agus d’eispéireas a chur in iúl i do léirmheas. D'fhéadfaí aíonna a sháraíonn na rialacha tí arís agus arís eile a chur ar fionraí nó a bhaint de Airbnb.

Tá rialacha tí infheidhmithe faoi phríomhrialacha Airbnb, agus cuidíonn siad leat a thabhairt le fios d'aíonna an méid atá rompu. Is féidir leat a roghnú as an liosta seo de rialacha tí maidir le:

• Peataí
• Imeachtaí
• Caitheamh tobac, vápáil agus toitíní leictreonacha
• Uaireanta ciúnais
• Amanna don tseiceáil isteach agus don tseiceáil amach
• Líon uasta na n-aíonna
• Grianghrafadóireacht agus scannánaíocht tráchtála

Is féidir leat iarratais a scríobh maidir le haon rud a bhaineann go sonrach le do spás, fad is atá siad réasúnta agus ag teacht le polasaithe Airbnb. Mar shampla, d'fhéadfá a iarraidh ar aíonna an t-aerchóiriú a mhúchadh sula seiceálfaidh siad amach.

Iarrtar ar aíonna próifíl a chríochnú ar a mbeidh grianghraf agus sonraí pearsanta chun cabhrú leat aithne a chur orthu.

• Tá léirmheasanna aíonna bunaithe ar fhíorchaidreamh. Ní dhéanann óstaigh ná aíonna léirmheas ar a chéile ach tar éis áirithint a bheith críochnaithe.
• Déan cinneadh faoin dóigh ar mian leat go ndéanfaidh aíonna áirithint. Le hÁirithint ar an bPointe, is féidir leat áirithintí a theorannú d’aíonna a bhfuil fanacht amháin ar a laghad críochnaithe acu gan teagmhais ná rátálacha ísle. Más fearr leat, is féidir leat athbhreithniú a dhéanamh ar gach iarratas ar áirithint sula nglacfaidh tú leis.
• Is tusa atá i gceannas. Is féidir leat áirithint a chur ar ceal má chreideann tú le réasún go mbeidh cóisir ann fad is go leanfaidh tú ár bPolasaí Cealaithe d’ Óstaigh. Mura bhfuil tú compordach le hiarratas ar áirithint, is féidir leat é a dhiúltú fad is go leanfaidh tú Polasaí Neamhleithcheala Airbnb.

Tá Airbnb ar fáil chun tacú leat 24 uair an chloig sa lá, 7 lá sa tseachtain, i mbreis agus 60 teanga, trí:

• Tacaíocht ar an bhfón agus le teachtaireachtaí. Má tá fadhb phráinneach agat, glaoigh orainn. Maidir le fadhbanna nach bhfuil práinneach, amhail d'fhéilire a nuashonrú nó do phraghsáil a choigeartú, seol teachtaireacht chugainn.
• Líne shábháilteachta 24 uair sa lá. Má mhothaíonn tú go bhfuil tú i gcontúirt aon uair, tá rochtain láithreach ar fáil in aip Airbnb ar ghníomhairí sainoilte.
• Tacaíocht thiomnaithe do Sháróstaigh. Cuirtear Sáróstaigh i dteagmháil le ball foirne saineolach go huathoibríoch gach uair a dhéanann siad teagmháil le Airbnb.

Ní chlúdaíonn cosaint damáiste d'Óstaigh, árachas dliteanais d'Óstaigh ná árachas dliteanais d'Eispéiris agus do Sheirbhísí, ar cuid d'AirCover d'Óstaigh iad, óstaigh a chuireann áiteanna fanachta nó Eispéiris ar fáil sa tSeapáin, mar a bhfuil feidhm ag Árachas d'Óstaigh na Seapáine agus Árachas Cosanta Eispéiris na Seapáine, ná óstaigh a chuireann tréimhsí fanachta ar fáil trí Airbnb Travel LLC. Is in USD a thaispeántar na teorainneacha cumhdaigh go léir.

Tá árachas dliteanais d'Óstaigh agus árachas dliteanais d'Eispéiris agus do Sheirbhísí frithgheallta ag árachóirí tríú páirtí.

Má tá tú ag óstáil tithe, eispéireas nó seirbhísí sa Ríocht Aontaithe, tá na polasaithe árachais dliteanais d'Óstaigh, agus d'Eispéiris agus do Sheirbhísí frithgheallta ag Zurich Insurance Company Ltd., agus is é Airbnb UK Services Limited, ionadaí ceaptha de chuid Aon UK Limited, a n-údaraíonn agus a rialaíonn an tÚdaras um Iompar Airgeadais é, a shocraíonn na polasaithe agus a thugann i gcrích iad gan aon chostas breise ar óstaigh sa Ríocht Aontaithe. Is é 310451 uimhir chláir FCA Aon. Is féidir leat é sin a sheiceáil ach cuairt a thabhairt ar Chlár na Seirbhísí Airgeadais nó teagmháil a dhéanamh leis an FCA ag 0800 111 6768. Is é an tÚdarás um Iompar Airgeadais a rialaíonn an polasaí dliteanais d'Óstaigh agus an polasaí dliteanais d'Eispéiris agus do Sheirbhísí laistigh de AirCover d'Óstaigh. Ní táirgí rialaithe iad na táirgí agus na seirbhísí eile a shocraíonn Airbnb UK Services Limited, FPAFF609LC.

Má tá tú ag óstáil tithe, eispéireas nó seirbhísí sa Limistéar Eorpach Eacnamaíoch (LEE), tá na polasaithe árachais dliteanais d'Óstaigh agus na polasaithe árachais dliteanais d'Eispéiris agus do Sheirbhísí frithgheallta ag Zurich Insurance Europe AG, brainse sa Spáinn, agus is é Airbnb Spain Insurance Agency S.L.U. (ASIASL), gníomhaireacht árachais neamhcheangailte atá faoi mhaoirseacht na hArd-Stiúrthóireachta um Chistí Árachais agus Pinsin (DGSFP) agus atá cláraithe sa Spáinn leis an uimhir AJ0364 i gClárlann Dáileoirí Árachais DGSFP, a shocraíonn agus a thugann i gcrích iad gan aon chostas breise chun leasa óstach in LEE. Is féidir leat an clárúchán sin a dheimhniú ach cuairt a thabhairt ar Chlár Dáileoirí Árachais DGSFP, agus tá sonraí iomlána ASIASL le fáil anseo.

Ní árachas í cosaint damáiste d'Óstaigh agus ní bhaineann sí le hárachas dliteanais d'Óstaigh. Maidir le liostuithe i Stát Washington, tá oibleagáidí conarthacha Airbnb faoi chosaint damáiste d'Óstaigh clúdaithe ag polasaí árachais a cheannaigh Airbnb. Maidir le hóstaigh a bhfuil a dtír chónaithe nó a dtír bhunaíochta lasmuigh den Astráil, tá na Téarmaí seo maidir le Cosaint Damáiste d'Óstaigh i bhfeidhm.

Seans gur athraigh an t‑eolas atá sa mhír seo ó foilsíodh í.