Mór ag Aíonna a thuiscint
Tá níos mó ná 8 milliún liostú tí ag Airbnb ar fud an domhain. Tá gach ceann uathúil, agus is í an uathúlacht sin a dhealaíonn Airbnb ón gcuid eile.
Ceann de na bealaí is fearr le háit iontach le fanacht a fháil is ea a fhios a bheith agat cé hiad na tithe is mó a thaitníonn le haíonna. Sin an fáth ar chruthaíomar 'Mór ag Aíonna'.
Céard is 'Mór ag Aíonna' ann?
Is éard is 'Mór ag Aíonna' ann ná bailiúchán de na tithe is ansa leis na haíonna féin ar Airbnb. Tá sé bunaithe ar rátálacha, léirmheasanna agus sonraí iontaofachta ó bhreis agus leathbhilliún turas. Nuashonraítear 'Mór ag Aíonna' gach lá, mar sin mura bhfuil do liostú san áireamh anois, d'fhéadfadh sé a bheith ann go luath.
Úsáidtear tosca éagsúla chun liostuithe is 'Mór ag Aíonna' a aithint, mar shampla:
- Cúig léirmheas ar a laghad ó aíonna le 4 bliana anuas, ina measc sin léirmheas amháin ar a laghad le 2 bhliain anuas
- Rátálacha foriomlána réalta, aiseolas i léirmheasanna ó aíonna agus cumarsáid idir aíonna agus óstaigh ar an ardán
- Rátálacha arda maidir le seiceáil isteach, glaineacht, cruinneas, cumarsáid, suíomh agus luach ar airgead
- Taifead iontach iontaofachta, mar shampla cealuithe an óstaigh agus fadhbanna a bhaineann le cáilíocht a tuairiscíodh do sheirbhíse do chustaiméirí faoi bhun 1% ar an meán
Má tá níos mó ná liostú amháin agat, caithfear le gach ceann ar leith chun incháilitheacht don suaitheantas 'Mór ag Aíonna' a chinneadh.
Conas liostuithe is 'Mór ag Aíonna' a aimsiú
Tá tithe is Mór ag Aíonna ar fáil ar fud an domhain, agus tá siad so-aimsithe ar Airbnb.
Tá suaitheantas le feiceáil sna torthaí cuardaigh agus ar leathanach an liostaithe más teach is Mór ag Aíonna atá i gceist. Tá scagaire ann a ligeann do thaistealaithe tithe is Mór ag Aíonna a chuardach.
Mór ag Aíonna agus Sáróstaigh
Is óstaigh den scoth iad Sáróstaigh a dtugtar aitheantas dóibh as an dea-theist atá orthu as fáilteachas thar barr. Measúnaítear feidhmíocht Sáróstach gach ráithe de réir na riachtanas seo. Faigheann óstaigh a chomhlíonann na riachtanais suaitheantas Sáróstaigh a thaispeántar ar a liostú agus ar a bpróifíl.
Más Sáróstach thú a bhfuil liostú agat is 'Mór ag Aíonna', léireofar an dá rud sin ar leathanach do liostaithe agus beidh an suaitheantas 'Mór ag Aíonna' le feiceáil ar do liostú i dtorthaí cuardaigh. Más Sáróstach thú a bhfuil liostú agat nach gcáilíonn do 'Mór ag Aíonna' go fóill, tabharfar aitheantas duit fós le suaitheantas Sáróstaigh.
Seans gur athraigh an t-eolas atá sa mhír seo ó foilsíodh í.