Bain úsáid as léirmheasanna aíonna chun feabhsú

D'fhéadfadh rátálacha agus léirmheasanna níos fearr níos mó áirithintí agus tuilleamh níos fearr a tharraingt. Seo conas an próiseas léirmheasa a láimhseáil agus uasghráduithe a dhéanamh d'ionchur.

Iarr aiseolas ar aíonna lena thaispeáint dóibh go bhfuil tú tiomanta d'fheabhsú.

• Seol teachtaireacht sceidealaithe ag an tseiceáil amach. Iarr aiseolas ar aíonna, mar shampla smaointe sonracha faoin gcaoi a bhféadfá feabhas a chur ar a n-eispéireas.
• Déan léirmheas ar d'aíonna. Meabhraíonn sé sin dóibh léirmheas poiblí a dhéanamh ortsa. Bíonn 14 lá agaibh tar éis an tseiceáil amach le léirmheas a dhéanamh ar a chéile.

Forbair próiseas simplí chun a chinneadh cad iad na moltaí le cur i bhfeidhm.

• Léigh gach léirmheas. Gabh buíochas le haíonna as a n-ionchur agus smaoinigh ar na moltaí a bhfuil ciall leo i dtaca le do spás agus le do ghnáthamh, agus le haíonna eile freisin.
• Tabhair aird ar nótaí. Is féidir le haíonna nóta a sheoladh chuig an óstach freisin le moltaí nó aiseolas breise a thabhairt. Ní fheicfidh ach tú féin agus Airbnb é sin. I dteannta léirmheasanna poiblí, cabhraíonn nótaí le Airbnb torthaí cuardaigh a fheabhsú agus tithe a thaitníonn le haíonna a aithint.
• Smaoinigh ar rátálacha réalta. Is féidir le haíonna rátáil réalta a thabhairt i gcatagóirí ar leith agus roghnú as liosta de na rudaí a bhí go maith nó a d'fhéadfadh a bheith níos fearr. Coinnigh súil ar threochtaí, amhail aíonna ag roghnú “tranglam iomarcach” i gcónaí sa rátáil ar ghlaineacht nó “treoracha doiléire” sa rátáil ar sheiceáil isteach.

Is féidir feabhas a chur ar an méid a thairgeann tú d'aíonna i gcónaí.

• Freagair léirmheasanna. Nuair a fhágann aíonna moltaí, freagair chun buíochas a ghabháil leo agus chun aghaidh a thabhairt ar a gcuid aiseolais. Léiríonn sin go bhfuil tú dáiríre faoin aiseolas. Má tá tú ag freagairt léirmheas poiblí, beidh do fhreagra le feiceáil faoina bhun.
• Dírigh ar réitigh. Nuair atá fadhb ann, aimsigh an bhunchúis agus déan amach cad iad a rudaí a bhfuil neart agat orthu. Mar shampla, d'fhéadfá seomra dorcha a ghealadh le lampaí, plandaí scáiliarrthacha agus scátháin.
• Roinn aiseolas le d'fhoireann tacaíochta. Seans go mbeidh ort treoir bhreise a thabhairt do Chomhóstaigh agus do ghlantóirí. Mar shampla, má aimsíonn aíonna grabhróga ar an tolg, cuir é sin in iúl do dhuine ar bith a chuidíonn leat leis an nglanadh.
• Nuashonraigh do liostú. Is gnách go léiríonn léirmheasanna an raibh d'áit mar a shíl aíonna é a bheith. Cinntigh go bhfuil do shaoráidí, do ghrianghraif agus an cur síos ar do liostú ag teacht leis an méid atá tú a thairiscint faoi láthair.

Seans gur athraigh an t-eolas atá sa mhír seo ó foilsíodh í.