Cumarsáid éifeachtach a dhéanamh le haíonna

Tá sé ríthábhachtach go mbeadh eolas tábhachtach ag aíonna sula seiceálfaidh siad isteach, amhail fios an bhealaigh agus treoracha chun dul isteach i d'áit. Mar chuid de na príomhrialacha d'Óstaigh, ba cheart duit a bheith sásta i gcónaí ceisteanna ó aíonna a fhreagairt agus a gcuid fadhbanna a réiteach a luaithe agus is féidir.

Nuair a bheidh d'aíonna socraithe isteach, bí ar fáil an t-am ar fad má bhíonn ceisteanna acu. Bain triail as na leideanna seo chun bheith freagrúil:

• Íoslódáil aip Airbnb chuig d'fhón agus cas air fógraí. Is féidir fógraí a fháil trí théacs, ríomhphost nó go díreach ón aip.
• Bain úsáid as freagraí gasta. Dréachtaigh agus sábháil teachtaireachtaí le seoladh laistigh de chúpla soicind—mar sin, gach uair a chuirfidh aoi ceist choitianta, is féidir leat freagairt go tapa.
• Bain triail as teachtaireachtaí sceidealaithe. Leis an uirlis seo, faigheann aíonna teachtaireachtaí uathoibrithe ag amanna tábhachtacha, mar shampla tar éis áirithint a dhéanamh nó roimh an tseiceáil isteach.
• Faigh Comhóstach le cabhrú leat aíonna a fhreagairt mura mbeidh tú in ann súil a choinneáil ar do ghuthán nó ar do ríomhphost.

Nuair a chuireann aoi do spás in áirithe, seol teachtaireacht chairdiúil fháilteach. Is mór an mhaith é comhbhá a bheith agat—agus gan tuairimí a dhéanamh roimh ré.

Ná déan dearmad teagmháil a dhéanamh ag na tráthanna tábhachtacha seo:

• Roimh theacht an aoi: Tabhair fios an bhealaigh agus treoracha soiléire don tseiceáil isteach d'aíonna 24 uair an chloig ar a laghad sula dtiocfaidh siad.
• Seiceáil isteach: Bí ar fáil lena chinntiú go bhfaighidh aíonna dul isteach agus freagair aon cheisteanna atá acu.
• Tar éis na chéad oíche: Lean ort ag déanamh cumarsáide le nóta gasta a fhiafraíonn d'aíonna conas a bhí an chéad oíche agus an bhfuil rud ar bith ag teastáil uathu.
• Roimh an tseiceáil amach: Cuir i gcuimhne d'aíonna an t-am don tseiceáil amach agus aon riachtanais faoin tseiceáil amach, mar shampla na soilse a chasadh as nó an teas a ísliú.
• Tar éis imeachta: Seol nóta tapa chun buíochas a ghabháil, agus b'fhéidir go meabhródh sin d'aíonna léirmheas a scríobh.