An méid is gá chun seirbhísí Airbnb a óstáil

Is seirbhísí thar barr iad Seirbhísí Airbnb a chuireann an dlaoi mhullaigh ar fhanacht aoi. I measc na gcatagóirí seirbhíse tá cócairí, grianghrafadóireacht, suathaireacht, cóireálacha spá, traenáil phearsanta, gruaig, smideadh, cúram ingne, béilí réitithe agus lónadóireacht.

Déantar grinnfhiosrúchán ar sheirbhísí maidir le cáilíocht, agus bítear ag súil go gcomhlíonann óstaigh, comhóstaigh agus liostuithe ár gcaighdeáin agus ár riachtanais. Seo duit eolas tábhachtach.

• Deimhniú aitheantais: Deimhnigh d'aitheantas agus, más infheidhme, déanfar grinnfhiosrúchán agus seiceálacha eile ort.
• Ceadúnas agus deimhniú: Bíodh ceadúnais, árachas agus deimhnithe bailí agat i gcónaí a bhaineann leis an ngníomhaíocht. Cuir fianaise ar fáil nuair is gá.
• Taithí: Bíodh 2 bhliain taithí ar a laghad sa réimse ábhartha agat, nó 5 bliana i gcás cócairí gan céim chócaireachta. D'fhéadfaimis an t-oideachas, an stair fostaíochta nó na gradaim agus an t-aitheantas a luann tú i do liostú a dheimhniú.
• Cáil: Bíodh dea-cháil ort, mar a léirítear i rudaí amhail aiseolas den scoth ó aíonna, agus tugtar aird bhreise ar ghradaim agus ar ailt i bhfoilseacháin nó cineálacha eile aitheantais.
• Punann: Roinn grianghraif a leagann béim ar do thaithí oibre nuair a chruthaíonn tú do liostú.* Roghnaigh íomhánna a léiríonn do phróiseas agus d'ullmhúchán, d'uirlisí nó do threalamh, agus do láthair ghnó má tá sé beartaithe agat go dtiocfaidh na haíonna chugatsa.

• Grianghraif: Cuir isteach 5 ghrianghraf ar ardchaighdeán ar a laghad, ina measc sin grianghraf amháin de gach earra, a thugann le fios go soiléir agus go réadúil conas atá an tseirbhís a chuireann tú ar fáil.* Más grianghrafadóir thú, caithfidh tú 15 ghrianghraf ar a laghad a chur isteach.
• Teideal: Mínigh cad í an tseirbhís agus cé atá á soláthar. Tosaigh le cúpla focal tuairisciúil agus cuir isteach do chéad ainm ag an deireadh.
• Saineolas: Déan cur síos ar an bhfáth a bhfuil tú cáilithe go huathúil chun do sheirbhís a óstáil. Bí díreach gonta sonrach.
• Earraí: Cuir 3 earra ar a laghad ar fáil ina bhfuil raon praghsanna—praghas bunúsach, praghas caighdeánach agus praghas bisigh—ar gach liostú. Cuir béim ar shonraí ar leith amhail comhábhair, teicnící, trealamh nó ábhair i do chur síos, ionas go mbeidh a fhios ag aíonna cad é atá siad a cheannach.

Déanfar athbhreithniú ar aighneachtaí seirbhíse agus ar na hathruithe a dhéanfar ar liostuithe ceadaithe.

• Áirithintí: Seas le háirithintí aíonna agus seachain áirithint a chur ar ceal ar chúiseanna inchoiscthe.
• Liostú: Bíodh do liostú cruinn i gcónaí, mar shampla an láthair, na riachtanais d'aíonna agus amanna tosaithe agus deiridh na seirbhíse.
• Teachtaireachtaí: Déan cumarsáid go tráthúil le haíonna. Cuir in iúl d'aíonna má tú ag tabhairt duine leat chun cabhrú leat le linn na seirbhíse, agus tabhair dóthain fógra dóibh chun an áirithint a chur ar ceal gan táille.
• Sábháilteacht: Tabhair oiliúint agus treoir cheart chun gortú a chosc, cuir trealamh glan ar fáil agus bíodh plean agat chun déileáil le héigeandálaí. Socraigh riachtanas cuí aoise d'aíonna ar do chuid earraí de réir mar is gá.
• Láthair: Bíodh meas agat ar an áit ina bhfuil tú ag soláthar na seirbhíse. Ná déan damáiste don réadmhaoin agus glan suas i do dhiaidh.

Tá an próiseas grinnfhiosrúcháin leanúnach. Chomh maith leis an méid atá leagtha amach thuas, ní mór duit cloí le Téarmaí Seirbhíse Airbnb agus le Príomhrialacha d'Óstaigh agus Polasaithe um Shábháilteacht Óstála.

Na hóstaigh nach gcomhlíonann ár gcaighdeáin agus ár riachtanais, d'fhéadfadh sé go gcuirfí a liostú nó a gcuntas ar fionraí nó go mbainfí é. Léigh caighdeáin agus riachtanais Sheirbhísí Airbnb ina n-iomláine.

*Má chuireann tú seirbhís suathaireachta nó spá ar fáil, ní bheidh ort grianghraif a chur isteach le do liostú. Roghnóimid grianghraif duit as leabharlann de ghrianghraif ghairmiúla a léiríonn na seirbhísí sin.

Seans gur athraigh an t-eolas atá sa mhír seo ó foilsíodh í.