Faigh do chéad léirmheas 5 réalta

Cuirtear rátálacha agus léirmheasanna ar do liostú agus cabhraíonn siad le haíonna a chinneadh an bhfuil do sheirbhís oiriúnach dóibh. Cuidíonn aiseolas dearfach ó aíonna leat do bhranda a fhorbairt ar Airbnb agus d'fhéadfá níos mó áirithintí agus tuilleamh níos airde a fháil dá bharr.

Iarrtar ar aíonna léirmheas a scríobh a luaithe a bhíonn an tseirbhís críochnaithe. Cuidíonn a gcuid aiseolais leat seirbhís ar an gcaighdeán is airde a sholáthar. Iarrtar orthu an méid seo a leanas a chur ar fáil:

• Rátáil fhoriomlán. Rátálann aíonna do sheirbhís ar scála ó 1 go 5 réalta. Feictear do mheánrátáil fhoriomlán ar do liostú, sna torthaí cuardaigh agus ar do phróifíl.
• Rátálacha mionsonraithe. Rátálann aíonna fáilteachas, iontaofacht agus luach ar airgead chun aiseolas níos sonraí a thabhairt. Má chuireann tú seirbhís ar fáil ag do ghnólacht nó i spás poiblí, mar shampla stíleáil gruaige i do shalón nó seisiún ióga ar an trá, iarrfar orthu an suíomh a rátáil freisin.
• Léirmheas poiblí. Tá seo le feiceáil ar do phróifíl agus i rannóg na léirmheasanna ar do liostú. Má fhreagraíonn tú léirmheas poiblí, beidh do fhreagra le feiceáil faoina bhun.
• Nóta príobháideach. Níl an t‑aiseolas seo le feiceáil ar do liostú—duitse amháin atá sé.

Nuair a bheidh do chéad 3 léirmheas agat, díghlasálfaidh tú léargas ar aiseolas ó aíonna. Bain úsáid as an roghchlár chun rochtain a fháil ar an rannóg 'léargas' ar aip Airbnb.

Cabhróidh uirlisí óstála Airbnb leat bheith níos fearr ná mar a mheasann aíonna.

Cuir seirbhís iontach ar fáil. Smaoinigh ar conas do chuid earraí a phearsantú chun aíonna a chur ar a gcompord agus ar a sáimhín só.

• Déan cumarsáid le haíonna sa chluaisín Teachtaireachtaí chun fiafraí faoi roghanna aíonna, ceisteanna a fhreagairt agus earraí saincheaptha a chruthú.
• Bain úsáid as freagraí tapa chun teachtaireacht fáilte a shaincheapadh agus a sheoladh gan stró tar éis áirithinte agus chun nóta a sheoladh i ndiaidh seirbhíse.
• Cuir rudaí beaga breise leis a dhéanann d'earra speisialta.

Cinntigh go ritheann gach rud go réidh. Bí ullamh, tabhair le fios go soiléir an méid atá roimh aíonna agus freagair teachtaireachtaí ó aíonna go pras roimh gach seirbhís agus ina diaidh le taispeáint go bhfuil tú iontaofa.

• Réitigh aon soláthairtí roimh ré agus, má tá tú ag taisteal chuig an aoi, smaoinigh ar do bhealach ann chun go mbeidh tú ann go pras. Bain úsáid as d'fhéilire Airbnb chun am a sceidealú idir áirithintí le haghaidh taistil agus socraithe.
• Sceidealaigh teachtaireachtaí atá le seoladh ag amanna áirithe, mar shampla an lá roimh sheirbhís, ionas go mbeidh a fhios ag d'aoi cad atá ag teacht.
• Cas fógraí air in aip Airbnb agus i socruithe do ghléis chun coinneáil suas le teachtaireachtaí.
• Má tá tú ag cur seirbhís ar fáil i dteach duine eile, fág an spás mar a fuair tú é.

Cuir luach iontach ar aigead ar fáil. Tá praghas iomaíoch tábhachtach maidir le luach ar airgead. Is féidir leat do phraghsanna a shocrú nó lascainí a thairiscint sa chluaisín Liostuithe.

• Cuir 3 earra ar a laghad ar fáil ar phraghsanna difriúla chun níos mó roghanna a thabhairt d'aíonna agus chun do spriocanna tuillimh a bhaint amach. Is den dea-chleachtas é earraí a shocrú ar phraghsanna bunúsacha, caighdeánacha agus bisigh.
• Smaoinigh ar phraghas atá beagán níos ísle a thairiscint ar dtús agus déan athmheasúnú air tar éis duit cáil a shaothrú ar Airbnb le rátálacha agus léirmheasanna láidre.
• Cuir lascainí ar am teoranta, lascainí luatháirithinte agus lascainí do ghrúpaí móra ar fáil chun aíonna a mhealladh.
• Brabhsáil Airbnb agus ardáin eile le haghaidh seirbhísí atá cosúil le do cheannsa chun comparáid a dhéanamh idir phraghsanna áitiúla le bheith iomaíoch.

Chomh maith leis na leideanna seo faoi fháilteachas, coinnigh Príomhrialacha d'Óstaigh agus Polasaithe um Shábháilteacht Óstála Airbnb i gcuimhne. Leagann siad amach ionchais bhunúsacha maidir le seirbhísí atá sábháilte agus ar ardchaighdeán a sholáthar.

Caithfidh na hóstaigh, na grianghraif agus sonraí an liostaithe go léir na caighdeáin agus na riachtanais maidir le Seirbhísí Airbnb a chomhlíonadh.

Seans gur athraigh an t-eolas atá sa mhír seo ó foilsíodh í.