3 bhealach chun níos mó aíonna a mhealladh

Fairsingigh do limistéar seirbhíse agus cuir raon praghsanna agus uaireanta gnó ar fáil chun níos mó aíonna a mhealladh.

Cuir uaireanta gnó isteach agus socraigh ionú infhaighteachta. Ní fhaigheann aíonna ach seirbhísí a bhfuil an dá rud acu. Nuair a bheidh tú réidh, tabhair réamhamharc ar do liostú chun an méid a fheicfidh aíonna a fheiceáil.

Sa chluaisín Liostuithe:

• Roghnaigh uaireanta gnó. Is féidir leat na huaireanta céanna a chur le gach earra nó uaireanta éagsúla le gach ceann. Smaoinigh ar dhíriú ar bhuaicamanna. Mar shampla, b'fhéidir gur mó an tóir ar mhaidineacha i gcás traenálaithe pearsanta agus ar thráthnónta i gcás cócairí príobháideacha.
• Cuir isteach ionú infhaighteachta. Is féidir le haíonna áirithint a dhéanamh idir 3 mhí agus 24 mhí roimh ré. Is féidir leat é sin a athrú do gach earra.
• Socraigh áirithintí atá ag teacht salach ar a chéile. Lig d'aíonna iomadúla áirithint a dhéanamh ag an am céanna chun cur leis an méid a d'fhéadfá tuilleamh. Is féidir leat féin agus le do chomhóstaigh glacadh le háirithintí atá ag teacht salach ar a chéile le freastal ar níos mó aíonna.

I d'fhéilire:

• Beachtaigh d'infhaighteacht. Is féidir leat uaireanta a chur isteach lasmuigh de do ghnáthuaireanta gnó agus bac a chur ar amanna nach féidir leat a bheith ag obair. Baineann aon am bactha leis na hearraí ar fad.

• Sioncronaigh féilirí. Ceangail d'fhéilire Airbnb agus d'fhéilire Google. Cuirfidh gach imeacht ar d'fhéilire Google bac ar na hamanna sin ar d'fhéilire Airbnb.

Is den chríonnacht 3 earra ar a laghad a chur ar fáil ar phraghas bunúsach, ar phraghas caighdeánach agus ar phraghas bisigh le bheith iomaíoch i gcónaí agus níos mó aíonna a mhealladh. D'fhéadfadh raon praghsanna ioncam níos airde agus níos mó athbhreithnithe a tharraingt. Mar shampla, is gnách go mbíonn aíonna ag iarraidh idir $52 agus $95 USD a íoc as béile 3 chúrsa, idir $54 agus $96 USD as cóireáil spá, nó idir $46 agus $75 USD as dreas fótagrafaíochta.*

• Tairg earra bunúsach. Feiceann aíonna an t-earra is saoire dá bhfuil agat sna torthaí cuardaigh. D'fhéadfadh earra bunúsach aíonna a mhealladh agus spéis a mhúscailt in earraí eile de do chuid.
• Cuir earraí saincheaptha ar fáil. Seol earraí saincheaptha le hiarratas ar íocaíocht sa chluaisín Teachtaireachtaí sula ndéanfaidh aoi áirithint. Mar shampla, d'fhéadfadh aoi a iarraidh ar thraenálaí pearsanta babhta traenála a dhéanamh go moch ar maidin nó taisteal thar a limistéar seirbhíse.
• Pearsantaigh earra le hathruithe. Is féidir leat athrú praghais a sheoladh sa chluaisín Teachtaireachtaí tar éis d'aoi áirithint a dhéanamh. Mar shampla, b'fhéidir gur mian le haoi barra Francacha a chur lena lámh-mhaisiú nó comhábhar speisialta a chur le béile chun an t‑earra a shaincheapadh.
• Cuir íosphraghas ar fáil. Má ghearrann tú praghas in aghaidh an aoi, is féidir leat íosphraghas a shocrú in aghaidh na háirithinte. D'fhéadfadh sin a bheith úsáideach i gcás seirbhísí ina bhfuil grúpaí coitianta, mar shampla lónadóireacht nó béilí réitithe. Mar shampla, más mian le haoi earra $50 USD a chur in áirithe do bheirt agus gurb é $120 USD d'íosphraghas, beidh ar an aoi $120 USD a íoc chun an áirithint a dhéanamh.
• Tairg margaí. Is féidir leat lascainí ar am teoranta, lascainí luatháirithinte agus lascainí do ghrúpaí móra a chur ar fáil chun aíonna a mhealladh le háirithint a dhéanamh. Nuair a chuireann tú lascaine i bhfeidhm, feicfidh aíonna do phraghas bunaidh ar taispeáint sa churadach agus ar do liostú agus líne tríd.

Socraigh an dtaistealóidh tusa chuig aíonna nó an dtiocfaidh aíonna chugatsa, nó an dá rud. Cuir isteach d'uasam taistil lena roghnú cé chomh fada agus atá tú sásta dul. Má thaistealaíonn aíonna chugatsa, coinnigh i gcuimhne nach dtiocfaidh siad ar do liostú mura gcuardóidh siad seirbhísí gar do do láthair.

Má thaistealaíonn tusa chuig aíonna:

• Smaoinigh ar do limistéar seirbhíse. Le bheith le feiceáil i níos mó torthaí cuardaigh, bí cinnte gur chuir tú isteach d’uasam taistil.
• Abair an bhfuil tú solúbtha. Sa chur síos ar do liostú, luaigh aon cheantair a bhfuil tú sásta taisteal chucu ó am go chéile, nó abair le haíonna teagmháil a dhéanamh leat má tá siad lasmuigh de do limistéar seirbhíse.

Má thagann aíonna chugatsa:

• Deimhnigh do sheoladh. Nuair a fhéachann aíonna ar do liostú, feicfidh siad cé comh fada ar shiúl is atá do láthair agus an t-am taistil chuici.
• Luaigh d'ainm gnó. Cabhróidh sin le haíonna tú a aimsiú nuair a thiocfaidh siad.
• Cuir grianghraif ghairmiúla ar fáil. Taispeánann íomhánna de do láthair caighdeán do sheirbhíse agus cabhraíonn siad le haíonna teacht ort.

*Bunaithe ar shuirbhé ar líne i mí an Mhárta 2025 ar níos mó ná 700 aoi Airbnb agus daoine a d'fhéadfadh áirithint a dhéanamh den chéad uair sna Stáit Aontaithe.

D'fhéadfadh eispéireas an úsáideora a bheith éagsúil ag brath ar an láthair. Seans gur athraigh an t-eolas atá sa mhír seo ó foilsíodh í.