Úsáid a bhaint as léirmheasanna chun do ghnáthamh óstála a fheabhsú

Insíonn léirmheasanna maithe duit an méid is breá le haíonna faoi d'áit. Agus cé go gcuireann drochléirmheas as duit, is féidir leat dul i bhfeabhas mar Óstach dá thairbhe. Ó do chéad léirmheas riamh, is féidir leat aiseolas a úsáid chun feabhas a chur ar do mhodh óstála.

“Tá an-tábhacht leis an aiseolas,” arsa Juliette, ball de Bhord Comhairleach na nÓstach in Nairobi, an Chéinia. “Is gnó praiticiúil é seo, agus tagann rudaí aniar aduaidh ort. Sin an fáth a bhfuil sé tábhachtach maoirseacht a dhéanamh ar do liostú nuair is féidir—mar tá rud éigin le rá ag na léirmheasanna."

Cothaíonn léirmheasanna muinín sa phobal agus cuidíonn siad le do ghnó a chur chun cinn. Le foghlaim ó do chuid léirmheasanna:

• Léigh gach léirmheas, chomh maith le haon aiseolas príobháideach ó aíonna.

• Úsáid léirmheasanna dearfacha chun do liostú a fheabhsú. Mar shampla, má mholann aoi do chistin lán le soláthairtí, cuir grianghraf di le do liostú. Luaigh sliocht as an léirmheas san fhotheideal, fiú.

• Úsáid drochléirmheasanna nó aon aiseolas príobháideach nó teachtaireachtaí mar inspioráid chun do chuid saoráidí a uasghrádú nó an cur síos ar do liostú a nuashonrú. B'fhéidir nár mhiste duit freagairt go poiblí freisin chun go bhfeictear go nglacann tú le haiseolas.

Ní chuireann Óstaigh rathúla dath ar shonraí a liostaithe agus ní dhéanann siad dhá leath dá ndícheall le scoth an fháilteachais a chur ar fáil. “Féachaim i gcónaí le beart a dhéanamh thar mo bhriathar ionas go ligfidh aíonna mionfhadhbanna tharstu,” arsa Max, Sáróstach in Bongaree, an Astráil.

Sampla d'aiseolas a úsáid ar an mbealach sin:

• Má luann aoi i léirmheas go raibh torann ón tsráid, cuir nóta leis an gcur síos ar do liostú le tabhairt le fios go bhféadfadh torann a bheith ann ón tsráid (le beag is fiú a dhéanamh de d'áit).
• Nuair a sheiceálfaidh siad isteach, cuirfidh tú plugaí cluaise nó meaisín torainn bháin ar fáil (le beart a dhéanamh thar do bhriathar).

Má tá tú macánta cneasta faoi fhadhbanna a d'fhéadfadh a bheith ann, is mó seans go meallfaidh tú aíonna a oireann go maith do d'áit—agus go seachnóidh tú drochléirmheas.

“Scríobhtaí chugainn go raibh an t-eispéireas go hiontach, ach gurbh fhéidir é a dhéanamh níos fearr nó níos compordaí mar seo nó mar siúd,” arsa Keshav, ball de Bhord Comhairleach na nÓstach i nDeilí Nua, an India. “Ghlacamar chugainn an t-aiseolas sin i ndáiríre. Is ag labhairt le fíoraíonna is fearr a fhoghlaimím."

Fan i dteagmháil le haíonna tar éis dóibh seiceáil isteach chun a chur in iúl dóibh go bhfuil tú ar fáil má tá ceisteanna nó fadhbanna acu. Cúpla leid:

• Úsáid teachtaireachtaí sceidealaithe chun cumarsáid a dhéanamh le haíonna ag tréimhsí tábhachtacha, amhail nuair atá áirithint á déanamh, ag an tseiceáil isteach agus ag an tseiceáil amach.

• Tar éis na chéad oíche, fiafraigh d'aíonna cén dóigh a bhfuil a bhfanacht ag gabháil agus an bhfuil rud ar bith is féidir leat a dhéanamh chun cabhrú leo. Maidir le tréimhsí fanachta níos faide, déan teagmháil gach seachtain nó mar sin.

• Má tá fadhb ag aíonna, tabhair aghaidh uirthi láithreach. Tuigfidh formhór na n-aíonna má théann rud éigin mícheart, fad is a chromann tú ar a réiteach go tapa.

“Glacaim an t-am i gcónaí chun freagra a thabhairt ar gach uile léirmheas, bíodh siad maith nó olc,” arsa Omar, Sáróstach i gCathair Mheicsiceo. "Tá ábhar aíonna sna daoine a léifidh iad."

Deir Omar freisin gurbh é aiseolas ó aoi faoi theocht an uisce a spreag é leis an bhfadhb a réiteach. D'fhill an t-aoi ocht mí ina dhiaidh sin le haghaidh fanacht eile. “Ba cheart léirmheasanna cuiditheacha a chur san áireamh i gcónaí,” ar seisean.

Is féidir leat dul i bhfeabhas mar Óstach ach léirmheasanna a léamh go cúramach. “D'fhéadfadh drochléirmheas tarlú, ach ní tubaiste amach is amach é,” arsa Alessandro, Óstach sa Lombaird, an Iodáil. “Déan anailís ar chúis an drochléirmheasa sin agus ceartaigh más gá."

Seans gur athraigh an t-eolas atá sa mhír seo ó foilsíodh í.