Úsáid a bhaint as léirmheasanna chun do ghnáthamh óstála a fheabhsú

Is féidir le léirmheasanna maithe na rudaí is mó a thaitníonn le haíonna faoi do spás agus do stíl óstála a chur in iúl duit. Agus cé nach bhfuil siad chomh deas céanna, is féidir le léirmheasanna diúltacha cuidiú leat bheith i d’Óstach níos fearr fós. Ó do chéad léirmheas riamh, is féidir leat léirmheasanna a úsáid chun do stíl óstála a fheabhsú.

Cothaíonn léirmheasanna muinín sa phobal agus cuidíonn siad le do ghnó a chur chun cinn.

• Ná déan dearmad gach léirmheas a léamh—agus féachaint ar an aiseolas príobháideach a fhágann aíonna le haghaidh eolais ón taobh istigh
• Le léirmheasanna dearfacha insítear d’aíonna ionchasacha faoi do stíl óstála, agus is féidir leat iad a úsáid chun feabhas a chur ar do liostú—mar shampla, má mholann aoi do chistin lán le soláthairtí, is dócha go mbeidh tú ag iarraidh é a thaispeáint i ngrianghraif
• Is féidir le léirmheasanna diúltacha dearcthaí a thabhairt nár smaoinigh tú orthu b'fhéidir, agus is féidir leat iad a úsáid mar inspioráid chun do chuid saoráidí a uasghrádú nó an cur síos ar do liostú a nuashonrú

Má choinníonn tú i dteagmháil le d’aíonna le linn a dturais, is féidir leat ceist a chur orthu cén dóigh a bhfuil a bhfanacht ag gabháil agus má bhíonn rud ar bith is féidir leat a dhéanamh lena chinntiú go mbeidh eispéireas iontach acu.

• Is féidir leis seo cabhrú leat léirmheasanna diúltacha a sheachaint—má insíonn aíonna duit cad a d’fhéadfadh a bheith níos fearr i dtosach, is féidir leat oibriú chun é a shocrú ar an bpointe boise
  
• Is féidir leat úsáid a bhaint as ár n-uirlis do theachtaireachtaí sceidealaithe chun cumarsáid a dhéanamh le haíonna ag tréimhsí tábhachtacha, amhail nuair atá áirithint á déanamh, ag an tseiceáil isteach agus ag an tseiceáil amach

Molann Omar, Sáróstach i gCathair Mheicsiceo gur gá freagra tapa a thabhairt ar gach léirmheas. “Glacaim an t-am i gcónaí chun freagra a scríobh ar gach uile léirmheas, bíodh siad maith nó olc,” a deir sé. "Léifidh d’aíonna ionchasacha amach anseo iad." Seo roinnt leideanna eile:

• Le gach léirmheas is féidir leat rud éigin a fhoghlaim faoi do ghnáthamh óstála
• Nuair a léann tú gach léirmheas, is féidir leat stíl do liostaithe agus do stíl óstála a fheabhsú
• “Ba cheart léirmheasanna cuiditheacha a chur san áireamh i gcónaí,” a deir Omar, ag rá gur spreag aiseolas ó aoi faoi theocht an uisce é leis an bhfadhb a réiteach—agus tháinig an t-aoi céanna ar ais ocht mí ina dhiaidh sin le haghaidh fanacht eile

Seans gur athraigh an t-eolas atá sa mhír seo ón gcéaduair a foilsíodh í.