Uirlisí praghsála Airbnb a úsáid

Fágann uirlisí Airbnb go bhfuil sé éasca duit do phraghsáil a choigeartú agus a bheith iomaíoch i gcónaí. Gheobhaidh tú iad ar d'fhéilire.

Is minic a oibríonn uirlisí praghsála agus socruithe infhaighteachta le chéile. Mar shampla, más mian leat lascainí míosúla a thairiscint, beidh ort tréimhsí fanachta níos faide a cheadú.

Dá ndéanfá do phraghas a athbhreithniú agus a choigeartú go rialta, d'fhéadfadh sé sin cabhrú leat a bheith iomaíoch i gcónaí agus do spriocanna tuillimh a bhaint amach. Smaoinigh ar leideanna Airbnb faoi phraghsanna nuair a chuirfidh tú gach praghas in eagar.

• Bunphraghas: Is é sin an praghas réamhshocraithe ar gach oíche ar d'fhéilire. Téigh chuig do shocruithe praghais chun é a nuashonrú. Is féidir leat comparáid a dhéanamh idir liostuithe den chineál céanna chun meánphraghsanna na dtithe atá curtha in áirithe agus nach bhfuil curtha in áirithe a sheiceáil ar léarscáil de do cheantar.
• Praghas don deireadh seachtaine: Is féidir leat breis a chur le do bhunphraghas ar oícheanta Aoine agus Sathairn i do shocruithe praghais. Dá n-athrófá do phraghas de réir na hoíche, d'fhéadfadh sé cabhrú leat áirithintí a uasmhéadú.
• Praghas saincheaptha: Roghnaigh oíche ar bith nó sraith oícheanta i d'fhéilire chun do phraghas a chur in eagar. Tapáil an slat draíochta os cionn d'fhéilire chun na leideanna faoi phraghsanna in aghaidh na hoíche a d'fhéadfadh a bheith le feiceáil faoi do phraghas saincheaptha ar gach oíche a thaispeáint nó a cheilt.

Cas air Praghsáil Chliste i do shocruithe praghsanna chun do phraghas a choigeartú go huathoibríoch. Úsáideann an uirlis seo tosca amhail suíomh, saoráidí, d'áirithintí roimhe seo agus na praghsanna is déanaí i do cheantar chun do phraghas in aghaidh na hoíche a shocrú. Cuireann tú isteach do raon praghsanna, agus is féidir leat é a chasadh air nó as ar dhátaí ar leith. Má úsáideann tú Praghsáil Chliste, ní fheicfidh tú leideanna faoi phraghsanna in aghaidh na hoíche nó liostuithe den chineál céanna.

D'fheadfadh promóisin agus lascainí rangú do liostaithe a fheabhsú i gcuardaigh agus aíonna a mhealladh. Tá 4 lascaine ar fáil i do shocruithe praghsanna.

• Lascaine sheachtainiúil: Tairg lascaine ar thréimhsí fanachta 7 n-oíche nó níos faide chun cabhrú leat d'fhéilire a líonadh níos luaithe agus an líon idirthréimhsí a laghdú.
• Lascaine mhíosúil: Tairg lascaine ar thréimhsí fanachta 28 n-oíche nó níos faide chun cabhrú leat síneadh a chur leis an meánfhad fanachta ag do liostuithe agus an líon idirthréimhsí a laghdú.
• Lascaine luatháirithinte. Laghdaigh do phraghas ar áirithintí a dhéantar idir mí amháin agus 24 mhí roimh ré chun aíonna a bhíonn ag pleanáil chun tosaigh a mhealladh.
• Lascaine ag an nóiméad deiridh: Laghdaigh do phraghas ar áirithintí a dhéantar uair ar bith idir lá amháin agus 28 lá roimh an tseiceáil isteach chun bearnaí i d'fhéilire a líonadh.

Is féidir leat lascainí a chur i bhfeidhm ar dhátaí sonracha. Roghnaigh dáta ar bith ar d'fhéilire chun socruithe saincheaptha a oscailt agus lascaine a chur leis na dátaí sin.

Feiceann aíonna aibhsiú speisialta sna torthaí cuardaigh agus ar leathanach do liostaithe do lascainí seachtainiúla agus míosúla 10% nó níos mó. Feictear do phraghas lascainithe in aice le do phraghas bunaidh, a mbeidh líne tríd.

Is bealach eile é promóisin ghearrthéarmacha a shocrú chun cabhrú leat níos mó áirithintí a fháil gan do bhunphraghas a athrú. Ag brath ar d'incháilitheacht, b'fhéidir go bhfeicfeá suas le 2 chineál promóisean.

• Promóisean liostaithe nua: Tairg lascaine 20% ar do chéad 3 áirithint chun cabhrú leat aíonna agus léirmheasanna a fháil.
• Promóisean saincheaptha: Roghnaigh do dhátaí agus an lascaine is mian leat a thairiscint. Tá roinnt riachtanas i bhfeidhm.

Feiceann aíonna aibhsiú speisialta sna torthaí cuardaigh agus ar leathanach do liostaithe nuair a thairgeann tú promóisean liostaithe nua nó promóisean saincheaptha 15% nó níos mó.

Tá 3 tháille is féidir leat a chur le do phraghas. Cuimhnigh go n-ardaíonn táillí do phraghas iomlán agus go bhféadfaidís aíonna a chur ó dhoras, rud a d'fhéadfadh do thuilleamh a laghdú.

• Táille ghlantacháin: Is féidir leat táille chaighdeánach agus táille ghearrfhanachta a chur isteach ar oíche amháin nó 2 oíche.
• Táille peataí: Gearrann tú an táille seo in aghaidh an pheata, in aghaidh na hoíche, nó in aghaidh an fhanachta. De réir Pholasaí Inrochtaineachta Airbnb, níl cead agat táille a ghearradh ar Ainmhí Seirbhíse.
• Táille ar aíonna breise: D'fhéadfá táille in aghaidh na hoíche a ghearradh as gach aoi os cionn líon áirithe a shocróidh tú. Mar shampla, b'fhéidir go ligfeá do sheisear aíonna fanacht ar an bpraghas in aghaidh na hoíche atá socraithe agat, ach d'fhéadfá $10 USD eile in aghaidh na hoíche a ghearradh ar gach aoi breise suas leis an uaslíon aíonna atá ceaptha agat.

Bí cinnte agus smaoinigh ar tháillí as líne i do phraghas, amhail táillí fóntais agus ionaid saoire, mar d'fhéadfadh tionchar a bheith acu sin ar an bpraghas iomlán.

Is tusa a rialaíonn do phraghsáil agus do shocruithe eile i gcónaí. D'fhéadfadh do thorthaí a bheith éagsúil.

Seans gur athraigh an t-eolas atá sa mhír seo ó foilsíodh í.