Táillí seirbhíse a shimpliú

Táimid ag simpliú ár struchtúir táillí i dtíortha áirithe. Mar gheall air sin, tá sé níos fusa a bheith ar an eolas faoin méid a íocfaidh aíonna ionas gur féidir leat praghsanna iomaíocha a shocrú. Faigh amach faoi na hathruithe atá ag teacht agus faoin gcaoi le heisíocaíochtaí a choinneáil mar an gcéanna má tá cónaí ort i bPeiriú, sa Chóiré Theas, sa Ghearmáin nó sa Ríocht Aontaithe.

Faoi láthair, is iondúil go n-íocann óstaigh agus aíonna araon táillí seirbhíse. Dá bharr sin, socraíonn tusa praghas amháin ach feiceann d'aíonna praghas níos airde a bhfuil táille sheirbhíse san áireamh ann.

Deir a lán óstach linn go bhfuil an phraghsáil deacair mar gheall air sin. Mar shampla, má shocraíonn tú do phraghas ag $100 USD, feiceann aíonna $115 tar éis an táille d'aíonna a chur leis agus tuilleann tusa $97 tar éis an táille d'óstaigh a asbhaint.*

Chun an phraghsáil a shimpliú, táimid ag cur an dá tháille le chéile i dtáille amháin sheirbhíse 15.5% a íocfaidh óstaigh. Mar shampla, má shocraíonn tú do phraghas ag $115, feiceann aíonna $115 agus tuilleann tusa $97 tar éis an táille amháin a asbhaint.

Aistreoidh óstaigh a bhfuil cónaí orthu i bPeiriú nó sa Chóiré Theas chuig an táille amháin sheirbhíse ar an 25 Bealtaine. Beidh óstaigh a bhfuil cónaí orthu sa Ghearmáin nó sa Ríocht Aontaithe ag aistriú ar an 22 Meitheamh.

Tá an táille 15.5% bunaithe ar mheántáillí seirbhíse domhanda Airbnb.

Cruthaíomar uirlis a chabhraíonn leat praghsanna do liostuithe go léir a choigeartú ag an am céanna chun an táille amháin sheirbhíse a chur san áireamh.

Beidh do phraghsanna le coigeartú agat chun do chuid eisíocaíochtaí in aghaidh na hoíche a choinneáil mar an gcéanna. Cuir i gcás an sampla thuas, má athraíonn tú do phraghas ó $100 go $115, tuillfidh tú $97 fós agus feicfidh aíonna $115 fós.

Ní bhainfidh an táille sheirbhíse amháin ach le háirithintí a dhéanfar tar éis duit aistriú ó tháille roinnte go táille amháin.

Mura ndéanfaidh tú beart roimh an spriocdháta, beidh do phraghsanna agus d’eisíocaíochtaí in aghaidh na hoíche níos ísle. Mar shampla, má choinníonn tú do phraghas ag $100, tuillfidh tú $84.50 tar éis an táille 15.5% a asbhaint agus feicfidh d'aíonna $100.

Faigh tuilleadh eolais faoi tháillí seirbhíse Airbnb agus faoin uirlis coigeartaithe praghsanna.

*Níl anseo ach samplaí agus ní áirítear táillí, a roghnaíonn óstaigh a chur leis an bpraghas, ná cánacha.

Íocann óstaigh áirithe táille sheirbhíse níos airde, ina measc sin iad siúd a bhfuil liostuithe acu sa Bhrasaíl.

I dtíortha agus réigiúin áirithe, tá cánacha san áireamh sa phraghas iomlán a thaispeántar ar liostuithe. Bíonn cánacha san áireamh sa phraghas iomlán a thaispeántar d'aíonna roimh an gcuntar amach i gcónaí.

Seans gur athraigh an t‑eolas atá sa mhír seo ó foilsíodh í.