Moltaí a roinnt sa chluaisín Teachtaireachtaí

Is minic a iarrann aíonna comhairle ar óstaigh faoi na rudaí is fearr le feiceáil, le déanamh agus le hithe sa cheantar. Anois is féidir leat Eispéiris agus Seirbhísí Airbnb a mholadh le huirlisí teachtaireachta nuashonraithe.

Is gníomhaíochtaí iad Eispéiris Airbnb a chuidíonn le haíonna dáimh a bheith acu leis na háiteanna ina bhfuil siad, amhail ranganna cócaireachta, ceardlanna ealaíne agus turais ar chúl stáitse. Is seirbhísí ardchaighdeáin iad Seirbhísí Airbnb a d'fhéadfadh an dlaoi mhullaigh a chur ar fhanacht aoi, ina measc tá suathaireachtaí, béilí réitithe agus seisiúin traenála pearsanta.

Déantar grinnfhiosrúchán ar eispéiris agus ar sheirbhísí maidir le cáilíocht agus déantar athbhreithniú orthu go rialta lena chinntiú go gcomhlíonann siad caighdeáin Airbnb. Tá cáil ar a lán óstach ina réimse.

Déan iniúchadh ar eispéiris agus ar sheirbhísí i do cheantar.

Tá 2 bhealach ann chun eispéiris agus seirbhísí a mholadh sa chluaisín Teachtaireachtaí. Is féidir leat roghnú as measc liostuithe ardmholta nó naisc chuig na cinn is fearr leat a roinnt i dteachtaireacht. Cibé bealach a ndéanann tú moladh, faigheann aíonna cárta digiteach a thaispeánann teideal, rátáil réalta agus líon léirmheasanna an liostaithe.

Chun roghnú as measc liostuithe atá molta go hard:

• Téigh chuig do chomhrá leis an aoi.
• Tapáil an comhartha móide (+) in aice le “Scríobh teachtaireacht”, ansin tapáil Roinn moltaí.
• Roghnaigh eispéiris nó seirbhísí is mian leat a mholadh agus tapáil ar Ceangail lena gcur isteach.
• Tapáil an tsaighead (↑) chun na moltaí a roinnt.

Chun naisc chuig na liostuithe is fearr leat a roinnt:

• Cóipeáil naisc chuig na heispéiris agus na seirbhísí is fearr leat agus greamaigh i dteachtaireacht iad.
• Má úsáideann tú an modh sin, coinnigh i gcuimhne go bhfeicfidh aíonna cártaí digiteacha chomh maith leis na naisc féin. Ní bheidh tú i dteideal duaise ach má thapálann aíonna ar an gcárta digiteach chun áirithint a dhéanamh.

Is féidir leat freagra tapa a chruthú nó ceann atá ann cheana a chur in eagar. Má shábhálann tú naisc chuig do mholtaí i dteimpléad réamhscríofa, spárálann tú am. Is féidir leat freagra tapa a sheoladh agus tú ag cur teachtaireachtaí chuig aíonna nó é a sceidealú lena sheoladh go huathoibríoch ag pointe tábhachtach.

Chun freagra tapa a chruthú nó a chur in eagar:

• Téigh chuig an gcluaisín Teachtaireachtaí.
• Tapáil deilbhín na socruithe ag barr an scáileáin ar dheis.
• Tapáil Bainistigh freagraí tapa agus Cruthaigh.
• Cuir ainm ar do theimpléad agus scríobh do theachtaireacht.
• Tapáil Cuir sonraí leis chun ionadchoinneálaithe a úsáid a líonann isteach ainm an aoi nó eolas eile go huathoibríoch.
• Cuir naisc chuig na liostuithe atá tú a mholadh.
• Tapáil Sábháil.

Seans gur athraigh an t‑eolas atá sa mhír seo ó foilsíodh í.