3 bhealach chun níos mó aíonna a mhealladh

Má tá tú níos solúbtha, beidh do liostú le feiceáil i níos mó torthaí cuardaigh. Fairsingigh do limistéar seirbhíse agus cuir raon praghsanna agus uaireanta gnó ar fáil chun go mbeidh tú ag luí lena oiread aíonna agus is féidir.

Bí cinnte agus cuir isteach na hamanna ar fad is féidir leat a bheith ag óstáil. Agus tú ag cur d'infhaighteacht in eagar, cuir uaireanta gnó léi agus roghnaigh ionú infhaighteachta. Ní fhaigheann aíonna ach seirbhísí a bhfuil an dá rud acu.

Sa chluaisín Liostuithe:

• Socraigh uaireanta gnó. Is iad d'uaireanta gnó na hamanna a fheiceann aíonna go bhfuil tú ar fáil agus is féidir leo do sheirbhís a chur in áirithe. Is féidir leat na huaireanta céanna a chur le gach earra nó uaireanta éagsúla a chur le gach ceann. Smaoinigh ar bhuaicamanna—mar shampla, b'fhéidir gur mó an tóir ar mhaidineacha i gcás traenálaithe pearsanta agus ar thráthnónta i gcás cócairí príobháideacha.
• Cuir isteach ionú infhaighteachta. Roghnaigh cé acu is féidir le haíonna áirithint a dhéanamh 3, 6, 9, 12 nó 24 mhí roimh ré. Is féidir leat é sin a athrú do gach earra.

I d'fhéilire:

• Beachtaigh d'infhaighteacht. Is féidir leat uaireanta a chur isteach lasmuigh de do ghnáthuaireanta gnó agus bac a chur ar amanna nach féidir leat a bheith ag obair. Baineann aon am bactha leis na hearraí ar fad.
• Sioncronaigh féilirí. Ceangail d'fhéilire Airbnb agus d'fhéilire Google. Cuirfidh gach imeacht ar d'fhéilire Google bac ar na hamanna sin ar d'fhéilire Airbnb.

Nuair a bheidh tú réidh, tabhair réamhamharc ar do liostú chun d'infhaighteacht a dheimhniú agus chun an méid a fheicfidh aíonna a fheiceáil.

Is den chríonnacht 3 earra ar a laghad a chur ar fáil ar phraghas bunúsach, ar phraghas caighdeánach agus ar phraghas bisigh le bheith iomaíoch i gcónaí agus níos mó aíonna a mhealladh. D'fhéadfadh raon praghsanna ioncam níos airde agus níos mó athbhreithnithe a tharraingt. Mar shampla, is gnách go mbíonn aíonna ag iarraidh idir $52 agus $95 USD a íoc as béile 3 chúrsa, idir $54 agus $96 USD as cóireáil spá, nó idir $46 agus $75 USD as dreas fótagrafaíochta.*

• Cuir earra bunúsach san áireamh. Feiceann aíonna an t-earra is saoire dá bhfuil agat sna torthaí cuardaigh. D'fhéadfadh earra bunúsach aíonna nua a mhealladh agus spéis a mhúscailt in earraí eile de do chuid.
• Cuir earraí saincheaptha ar fáil. Seol earraí saincheaptha le hiarratas ar íocaíocht sa chluaisín Teachtaireachtaí sula ndéanfaidh aoi áirithint. Mar shampla, má chuireann tú traenáil phearsanta ar fáil, seans go bhfiafróidh aoi an féidir leat babhta traenála a dhéanamh go moch ar maidin nó taisteal thar do limistéar seirbhíse amach.
• Pearsantaigh earra le hathruithe. Is féidir leat athrú praghais a sheoladh sa chluaisín Teachtaireachtaí tar éis d'aoi áirithint a dhéanamh freisin. Mar shampla, b'fhéidir gur mian le haoi barra Francacha a chur lena lámh-mhaisiú nó comhábhar a chur le béile chun an t-earra a shaincheapadh.
• Cuir íosphraghas leis. Má chinn tú ar phraghas a ghearradh in aghaidh an aoi, is féidir leat íosphraghas a shocrú in aghaidh na háirithinte. D'fhéadfadh sin a bheith úsáideach i gcás seirbhísí ina bhfuil grúpaí coitianta, mar shampla lónadóireacht nó béilí réitithe. Mar shampla, más mian le haoi earra $50 USD a chur in áirithe do bheirt agus gurb é $120 USD d'íosphraghas, beidh ar an aoi $120 USD a íoc chun an áirithint a dhéanamh.
• Tairg margaí. Is féidir leat lascainí ar am teoranta, lascainí luatháirithinte agus lascainí do ghrúpaí móra a chur ar fáil chun aíonna a mhealladh le háirithint a dhéanamh. Nuair a chuireann tú lascaine i bhfeidhm, feicfidh aíonna do phraghas bunaidh ar taispeáint sa churadach agus ar do liostú agus líne tríd.

Féach arís an dtaistealóidh tusa chuig aíonna nó an dtiocfaidh aíonna chugatsa, nó an dá rud. Má thaistealaíonn aíonna chugatsa, coinnigh i gcuimhne nach dtiocfaidh siad ar do liostú mura gcuardóidh siad seirbhísí gar do do láthair.

Má thaistealaíonn tusa chuig aíonna:

• Smaoinigh ar do limistéar seirbhíse. Le bheith le feiceáil i níos mó torthaí cuardaigh, bí cinnte gur chuir tú na cathracha, na comharsanachtaí nó na cóid phoist go léir is féidir leat le do limistéar seirbhíse.
• Abair an bhfuil tú solúbtha. Sa chur síos ar do liostú, d'fhéadfá ceantair a lua a bhfuil tú sásta taisteal chucu ó am go chéile, nó d'fhéadfá a rá d'aíonna teagmháil a dhéanamh leat má tá siad lasmuigh de do limistéar seirbhíse.

Má thagann aíonna chugatsa:

• Deimhnigh do sheoladh. Nuair a fhéachann aíonna ar do liostú, feicfidh siad cé comh fada ar shiúl is atá do láthair agus an t-am taistil chuici.
• Luaigh d'ainm gnó. Cabhróidh sin le haíonna tú a aimsiú nuair a thiocfaidh siad.
• Cuir grianghraif ghairmiúla leis. Cibé acu atá tú ag óstáil ag spá, ag ionad aclaíochta, i salón nó in áit eile, taispeánann grianghraif de do láthair caighdeán do sheirbhíse agus cabhraíonn siad le haíonna tú a aimsiú.

*Bunaithe ar shuirbhé ar líne i mí an Mhárta 2025 ar níos mó ná 700 aoi Airbnb agus daoine a d'fhéadfadh áirithint a dhéanamh den chéad uair sna Stáit Aontaithe.

D'fhéadfadh eispéireas an úsáideora a bheith éagsúil ag brath ar an láthair. Seans gur athraigh an t-eolas atá sa mhír seo ó foilsíodh í.