An fáth a bhfuil léirmheasanna tábhachtach

Cuidíonn léirmheasanna agus rátálacha le haíonna a chinneadh an bhfuil d'áit oiriúnach dóibh. D'fhéadfadh léirmheasanna agus rátálacha níos fearr níos mó áirithintí agus tuilleamh níos airde a tharraingt.

Bíonn 14 lá tar éis seiceáil amach agat féin agus ag an aoi a chuir an fanacht in áirithe le léirmheas a dhéanamh ar a chéile. Postáiltear léirmheasanna tar éis don bheirt agaibh léirmheasanna a chur isteach nó tar éis dheireadh na tréimhse léirmheasa 14 lá—cibé acu is túisce.

Is féidir le haíonna aiseolas a roinnt ar na bealaí seo:

• Léirmheas poiblí. Tá a léirmheas le feiceáil ar do liostú agus ar do phróifíl. Má fhreagraíonn tú léirmheas poiblí, beidh do fhreagra le feiceáil faoina bhun.
• Nóta don óstach. Ní fheicfidh ach tú féin agus Airbnb a nóta. Mar aon le léirmheasanna, cabhraíonn nótaí le Airbnb torthaí cuardaigh a fheabhsú agus tithe a thaitníonn le haíonna a aithint.

Feictear na léirmheasanna is ábhartha ar dtús mar réamhshocrú. Is féidir le haíonna léirmheasanna a chuardach agus a shórtáil de réir an léirmheasa is déanaí, na rátála is airde nó na rátála is ísle.

Bain leas as aiseolas ó aíonna chun an méid a thairgeann tú a fheabhsú. Léigh gach léirmheas, agus freagair go dearfach lena thaispeáint go bhfuil tú dáiríre faoin aiseolas sin.

Iarrtar ar aíonna a n-eispéireas foriomlán agus 6 chatagóir a rátáil le 1-5 réalta. Ní hionann an t-eispéireas foriomlán agus meán na gcatagóirí eile.

Seo iad na catagóirí:

• Seiceáil isteach. Cé chomh furasta agus a bhí sé an áit a aimsiú agus dul isteach?
• Glaineacht. Cé chomh maith agus a glanadh an teach sular tháinig an t-aoi?
• Cruinneas. An raibh an áit mar a shíl an t-aoi a bheadh de réir an liostaithe?
• Cumarsáid. Ó áirithint a dhéanamh go dtí an tseiceáil amach, cé chomh maith agus a rinne an t-óstach cumarsáid?
• Suíomh. Cad é barúil an aoi faoin gceantar agus faoin gcomharsanacht?
• Luach ar airgead. Conas a bhí luach na háite i gcoibhneas leis an bpraghas?

Bíonn rátáil fhoriomlán réalta gach aoi le feiceáil in aice lena léirmheas. Tar éis do thriúr aíonna do liostú a rátáil, feictear an mheánrátáil réalta fhoriomlán sna torthaí cuardaigh agus ar do liostú.

Cuidíonn rátálacha le Airbnb óstaigh agus liostuithe den scoth a shainaithint agus a aithint, sa chlár Sáróstaigh agus Mór ag Aíonna freisin.

Tugtar aitheantas do Sháróstaigh mar gheall ar an dea-theist atá orthu as fáilteachas den scoth. Ní mór do Sháróstaigh meánrátáil fhoriomlán 4.8 réalta ar a laghad a choinneáil agus critéir eile a chomhlíonadh.

Is bealach amháin é léirmheas a thabhairt ar aíonna chun a mheabhrú dóibh léirmheas a dhéanamh ortsa. Bíonn do léirmheasanna le feiceáil ar leathanach próifíle an aoi a rinne an áirithint agus ar leathanaigh phróifíle na n-aíonna a ghlac le cuirí chuig an áirithint sin. Déan do dhícheall:

• Buíochas a léiriú. D'fhéadfá rud chomh simplí le “Go raibh maith agat as bheith i d'aoi againn!” a rá.
• Sonraí a thabhairt. D'fhéadfá rud mar seo a scríobh: “Chloígh an t-aoi seo go docht lenár dtreoracha don tseiceáil amach."
• Bheith measúil. Smaoinigh ar aghaidh a thabhairt ar shaincheisteanna íogaire i dteachtaireacht dhíreach.

Iarrfar ort aíonna a rátáil de réir glaineachta, cumarsáide agus do rialacha tí a leanúint. Cuidíonn do chuid aiseolais le príomhrialacha d'aíonna a chur i bhfeidhm, lena n-éilítear ar aíonna caitheamh le do theach mar a chaithfidís lena dteach féin agus cloí le do rialacha tí.

Seans gur athraigh an t-eolas atá sa mhír seo ó foilsíodh í.