Ionchais a shocrú le suíomh cruinn

D'fhéadfadh suíomh tí a bheith tábhachtach agus aíonna ag cinneadh an ndéanfaidh siad áirithint. Tar éis dóibh áirithint a dhéanamh, beidh an seoladh cruinn agus eolas an bhealaigh soiléir de dhíth orthu chun seiceáil isteach gan stró.

Tá sé ríthábhachtach suíomh cruinn a thaispeáint ar do liostú Airbnb. Freagraíonn sé ceisteanna, tugann sé le fios d'aíonna an méid atá rompu agus tugann sé níos mó muiníne d'aíonna agus iad ag déanamh áirithinte. 

Cinntigh ar dtús an bhfuil an seoladh sráide iomlán agus ceart. Is féidir leat do sheoladh a chur in eagar sula nglacfaidh tú le do chéad áirithint. Ach ina dhiaidh sin, beidh ort teagmháil a dhéanamh le Tacaíocht Airbnb chun athruithe a dhéanamh. Ní bhfaigheann aíonna an seoladh go dtí go ndeimhneofar a n-áirithint.

Tá an rogha agat maidir leis an gcaoi a dtaispeántar do shuíomh ar an léarscáil i dtorthaí cuardaigh Airbnb.

• Suíomh ginearálta: Taispeánann léarscáil do liostaithe an ga timpeall d'áite, faoi níos lú ná cilimeadar (thart ar leathmhíle) den seoladh sráide. Is é sin an réamhshocrú.
• Suíomh beacht: Taispeánann an léarscáil biorán atá dírithe ar an gcrosbhóthar is gaire gan an áit chruinn a mharcáil. Is féidir leat an léarscáil a tharraingt go dtí go mbeidh an biorán dírithe ar an áit cheart.

Roghnaigh cibé acu is fearr a oireann do do chás. Má tá suíomh beacht le d'áit d'fhéadfadh sí a bheith níos tarraingtí d'aíonna atá ag iarraidh an fad go dtí an stad bus is gaire nó go dtí an trá, cuir i gcás, a dheimhniú. Le suíomh ginearálta, d'fhéadfá do phríobháideacht nó do shlándáil a bhainistiú níos fearr.

Is féidir leat eolas an bhealaigh agus sonraí eile a chur sa chluaisín Liostuithe. In éineacht leis an léarscáil, éascaíonn an t-eolas sin an tseiceáil isteach.

• Treoir theachta: Cuir eolas an bhealaigh ar fáil mar aon le leideanna d'aíonna atá ag taisteal i gcarr nó ar iompar poiblí. Tabhair roghanna páirceála freisin. Roinntear do threoir theachta go huathoibríoch le haíonna nuair a bheidh an áirithint deimhnithe.
• Cur síos ar an gcomharsanacht: Roinn buaicphointí faoin gcomharsanacht, mar shampla cibé acu atá sí gnóthach nó ciúin, nó an bhfuil rampaí colbha ar na cosáin nó nach bhfuil.
• Taisteal thart: Cuir in iúl d'aíonna nach ndearna áirithint go fóill conas taisteal thart sa cheantar agus conas a bhíonn an pháirceáil de ghnáth.

Ní féidir a bheith róshonrach maidir le heolas an bhealaigh. Roinneann Juliette, Sáróstach in Nairobi, an Chéinia, comhordanáidí GPS a háite le haíonna, chomh maith le dath an gheata agus a bhfuil scríofa air.

I measc na gcleas eile a éascaíonn d'aíonna a mbealach a dhéanamh, tá uimhreacha móra tí a ghreamú den doras tosaigh agus soilsiú níos fearr a chur feadh an chabhsa.

Éiríonn Keshav, ball de Bhord Comhairleach na nÓstach i nDeilí Nua, an India, níos cruthaithí fós chun cabhrú le haíonna a mbealach a dhéanamh. “Tá sé deacair teacht ar ár dtithe dóibe,” ar seisean. “Thosaíomar ag smaoineamh ar conas comharthaí a chur suas ar an mbóthar mór.”

Seans gur athraigh an t-eolas atá sa mhír seo ó foilsíodh í.