An praghas ceart do gach séasúr

Dá ndéanfá do phraghsáil agus d'infhaighteacht a mhionchoigeartú, d'fhéadfadh sé cuidiú leat áirithintí a mhealladh agus níos mó airgid a shaothrú. Leis na socruithe nua sin, is féidir leat praghsanna a athrú de réir an tséasúir, bearnaí a líonadh ag an nóiméad deiridh i d'fhéilire, agus smaoineamh ar iarratais ar áirithint níos faide anonn ná do thréimhse infhaighteachta a chur ar fáil.

Dá gcoigeartófá do phraghsáil d'ardséasúir agus do shéasúir chiúine, d'fhéadfadh sé cuidiú leat a bheith iomaíoch i gcónaí. Déanfaimid anailís ar an éileamh i do cheantar agus molfaimid praghsanna séasúracha a d’fhéadfadh cuidiú leat d’áirithintí agus do thuilleamh a mhéadú. Seo an méid atá á chur i bhfeidhm ag tosú i mí Iúil.

• Praghsáil i rith na bliana: Athraigh do bhunphraghas de réir na míosa chun freagairt d'athruithe séasúracha ar an éileamh.
• Coigeartú don deireadh seachtaine: Athraigh do phraghsanna don deireadh seachtaine de réir céatadán socraithe, amhail +15%, chun iad a nuashonrú go héasca ó shéasúr go chéile.

Tá na praghsanna a mholaimid bunaithe ar an éileamh ar liostuithe den chineál céanna i do cheantar agus ar thosca amhail suíomh agus saoráidí do liostaithe. Is féidir leat do phraghas a chur i gcomparáid le praghsanna liostuithe den chineál céanna in aice láimhe ar léarscáil i gcónaí, agus na praghsanna a mholaimidne a chur in eagar sula ndéanfaidh tú nuashonruithe ar bith.

Is féidir leat infhaighteacht agus praghsáil ag an nóiméad deiridh a choigeartú chun go mbeidh tú iomaíoch i gcónaí agus oícheanta nach bhfuil in áirithe fós ag druidim leat. Molaimid bealaí le go mbeidh do liostú le feiceáil sna torthaí cuardaigh níos minice agus chun áirithintí a mhéadú. Seo an méid atá á chur i bhfeidhm ag tosú i mí Lúnasa.

• Íoslíon oícheanta ag an nóiméad deiridh: Ceadaigh tréimhsí fanachta níos giorra maidir le hoícheanta nach bhfuil in áirithe laistigh de 2 sheachtain ón tseiceáil isteach.
• Lascainí ag an nóiméad deiridh: Méadaigh do lascainí ag an nóiméad deiridh de réir a chéile d'aíonna a dhéanann áirithint 8–14 lá, 2–7 lá, agus 0–1 lá roimh theacht.

Is féidir leat an t‑íoslíon oícheanta agus na lascainí a mholaimid a chur i bhfeidhm, nó do chuid féin a roghnú.

Má úsáideann tú Áirithint ar an bPointe, is féidir leat iarratais ar áirithint atá níos faide anonn ná do thréimhse infhaighteachta a athbhreithniú anois. D'fhéadfadh sé sin cuidiú leat níos mó airgid a shaothrú trí áirithintí a ghlacadh de láimh níos faide roimh ré.

• Infhaighteacht bhreisithe: Is féidir le haíonna teacht ar liostuithe sna torthaí cuardaigh ar dhátaí atá níos faide anonn ná an tréimhse infhaighteachta agus iarratais ar áirithint a sheoladh chugat lena n-athbhreithniú faoi cheann 24 uair an chloig.
• Socruithe áirithinte: Coinnigh do shocruithe Áirithint ar an bPointe mar an gcéanna, ionas gur féidir le haíonna d'áit a chur in áirithe láithreach fós, ar dhátaí atá laistigh de do thréimhse infhaighteachta.

Is féidir leat tarraingt amach as an infhaighteacht bhreisithe ag am ar bith ach do shocruithe infhaighteachta a nuashonrú.

Praghsanna in USD. D'fhéadfadh eispéireas an úsáideora a bheith éagsúil de réir an tsuímh.

Is tusa a rialaíonn do phraghsáil agus do shocruithe eile i gcónaí. D'fhéadfadh do thorthaí a bheith éagsúil.

Seans gur athraigh an t‑eolas atá sa mhír seo ó foilsíodh í.