Uirlisí óstála nua chun do ghnólacht a fhorbairt

Rinneamar atógáil ar an aip chun go gcuimseodh sé gach rud a theastaíonn uait chun do theach a bhainistiú. Anois tá sé níos éasca áirithintí a rianú agus d'infhaighteacht agus do phraghsáil a nuashonrú.

Gheobhaidh tú na huirlisí go léir agus iad eagraithe sna 5 chluaisín seo nuair atá a bheidh tú logáilte isteach mar óstach.

Is é an cluaisín nua Inniu a fheiceann tú nuair a osclaíonn tú an aip. Is féidir leat breathnú ar shonraí na háirithinte go tapa chun cabhrú leat do lá a phleanáil agus fáilteachas eisceachtúil a chur ar fáil.

• Athraigh idir amharc ar áirithintí reatha agus amharc ar áirithintí atá le teacht chun aithne a chur ar na daoine a bheidh tú ag óstáil agus cathain a bheidh tú á n-óstáil.
• Cuir nótaí duit féin leis a bhaineann le háirithintí, amhail meabhrúcháin faoi ócáidí speisialta nó iarratais.
• Faigh leideanna faoi cad atá le déanamh i dtaca le gach áirithint, amhail fiafraí d'aíonna conas atá cúrsaí nó léirmheas a léamh.

Leis an bhFéilire athdheartha tá sé níos éasca d'infhaighteacht agus do phraghsáil a athbhreithniú agus a athrú.

• Oscail níos mó dátaí ar féidir le haíonna a chur in áirithe agus cuir bac ar oícheanta nach féidir leat iad a óstáil.
• Coigeartaigh do shocruithe infhaighteachta agus praghsála, amhail íoslíon oícheanta agus lascainí, go díreach i d'fhéilire.
• Féach ar leideanna nua faoi phraghsanna in aghaidh na hoíche, ar moltaí pearsantaithe iad atá bunaithe ar thosca amhail suíomh agus saoráidí do liostaithe, na háirithintí a fuair tú roimhe seo, agus na praghsanna is déanaí i do cheantar.

Cuireann an cluaisín Liostuithe níos mó bealaí ar fáil chun sonraí do liostaithe a bhainistiú. Úsáid na huirlisí seo chun an iomhá is cruinne agus is iomláine de d'áit a thabhairt do d'aíonna.

• Nuashonraigh do liostú, lena n-áirítear grianghraif ardchaighdeáin chun aird a tharraingt agus treoir theachta mhionsonraithe a chur leis.
• Cuir na saoráidí go léir a chuireann tú ar fáil leis, gnéithe inrochtaineachta san áireamh, chun cabhrú le háirithintí a mhealladh.
• Féach ar do liostú chun an chuma a bheidh air d'aíonna a fheiceáil.

Cuidíonn an cluaisín Teachtaireachtaí leat teagmháil a dhéanamh le haíonna roimh a bhfanacht, lena linn agus ina dhiaidh.

• Bain úsáid as an eagarthóir nua freagraí tapa chun freagraí ar cheisteanna coitianta a shaincheapadh, agus chun teachtaireachtaí a sceidealú atá le seoladh ag tráthanna tábhachtacha.
• Roinn grianghraif chun tú féin a chur in aithne agus aird a tharraingt ar shonraí tábhachtacha.
• Bíodh iarratais ar áirithint ar taispeáint ar bhealach níos feiceálaí, lena n-áirítear sonraí amhail dátaí turais agus líon na n-aíonna.

Tugann an Roghchlár rochtain duit ar do thuilleamh, do léargas agus do shocruithe eile. Gheobhaidh tú leideanna pearsantaithe agus tuilleadh acmhainní chun do ghnólacht óstála a fhorbairt.

• Féach ar do thuilleamh agus cruthaigh tuairiscí saincheaptha sa deais tuillimh.
• Déan iniúchadh ar rátálacha agus léirmheasanna aíonna sa rannóg 'Léargas'.
• Bainistigh socruithe do chuntais agus aimsigh acmhainní óstála.

Faigh rochtain luath anois chun tosú ag úsáid d'uirlisí óstála nua.

Seans gur athraigh an t-eolas atá sa mhír seo ó foilsíodh í.