An t-eolas a theastaíonn uait maidir le teaghlaigh le páistí a óstáil

Is minic a dhéanann rudaí beaga difríocht mhór don té atá ag taisteal le páistí beaga. Má chuireann tú saoráidí nó trealamh speisialta ar fáil do theaghlaigh, is dócha go mbeidh do theach níos tarraingtí do níos mó aíonna.

Smaoinigh ar do theach a nuashonrú chun é a oiriúnú do theaghlaigh. Bí cinnte agus déan réamhchúraimí sábháilteachta bunúsacha chun do chuid aíonna agus do theach a chosaint.

• Roghnaigh troscán láidir sábháilte, agus seachain gloine, más féidir.
• Bog rudaí sobhriste agus rudaí géara go háit nach féidir le páistí teacht orthu.
• Seachain briseadh soithí le cupáin agus plátaí plaisteacha in-athúsáidte i do chistin.
• Cuir laistí ar chaibinéid agus clúdaigh chosanta ar shoicéid leictreachais.
• Roghnaigh ábhair mharthanacha shoghlanta, amhail fabraicí ardfheidhmíochta.
• Cuir rudaí a iarrtar go minic ar fáil, amhail tuáillí agus braillíní breise.
• Clúdaigh urláir chrua-adhmaid le rugaí in-nite.
• Suiteáil aláraim dheataigh agus aláraim aonocsaíde carbóin agus cuir cadhnraí nua iontu go rialta.
• Cuir múchtóir dóiteáin in aice leis an sorn cistine.
• Cuir uimhreacha éigeandála áitiúla i do lámhleabhar tí agus ar chárta mearthagartha d'aíonna.

Nuair a bheidh do theach ullmhaithe agat, athnuaigh sonraí do liostaithe agus nuashonraigh do shaoráidí chun áirithintí a mhealladh agus chun tabhairt le fios d'aíonna an méid atá rompu. Is féidir le haíonna scagairí cuardaigh a úsáid chun a roghanna a chúngú.

• Luaigh gach saoráid a chuireann tú ar fáil, ina measc sin earraí a mbíonn tóir orthu amhail cliabhán agus cathaoir ard.
• Má tá meaisín níocháin nó triomadóir agat, luaigh an gcuireann tú glantach níocháin ar fáil agus an bhfuil aon táillí breise i gceist.
• Má tá folcadán agat, cuir nóta faoi i sonraí do liostaithe agus cuir grianghraf de i do ghailearaí íomhánna.
• Athsheiceáil an léiríonn do chuid grianghraf gach rud ar chuir tú síos air.
• Cuir moltaí do theaghlaigh i do threoirleabhar, amhail clóis súgartha in aice láimhe agus áiteanna chun soláthairtí a cheannach nó a athlíonadh.

Seans gur athraigh an t-eolas atá sa mhír seo ó foilsíodh í.