Déan do chumarsáid a uathoibriú leis na nuashonruithe seo don bhosca isteach

Athchóiríodh an bosca isteach Óstaigh chun am luachmhar a shábháil duit. Tá sé suas le 10 n-uaire níos tapa anois agus tá gnéithe nuashonraithe ann amhail teachtaireachtaí sceidealaithe agus freagraí gasta pearsantaithe, chomh maith le cuardach agus scagaire—iad uile deartha chun cabhrú leat do chumarsáid le haíonna a dhéanamh níos éifeachtaí.

Seo mar atáimid ag cabhrú leat cumarsáid níos éasca a dhéanamh le haíonna:

Nuair a chuirtear freagra chuig aíonna go pras, cabhraíonn sé sin le heispéireas iontach aoi a chruthú.

Is féidir leat teachtaireachtaí sceidealaithe a úsáid chun eolas a sheoladh go huathoibríoch chuig aíonna ag pointí tábhachtacha, amhail nuair a bhíonn áirithint á déanamh, ag an tseiceáil isteach nó ag an tseiceáil amach.

Chuireamar aicearraí pearsantaithe leis freisin, a chuireann isteach sonraí amhail ainm aoi agus an dáta don tseiceáil isteach go huathoibríoch. Ciallaíonn sé sin gur féidir leat dul ó theachtaireachtaí sceidealaithe a deir, “Go raibh maith agat as áirithint a dhéanamh!” go “Go raibh maith agat as áirithint a dhéanamh, a Anna!” gan mórán stró.

Cuir teachtaireachtaí sceidealaithe ar bun

Tá ceisteanna ó aíonna amhail “An féidir liom treoracha a fháil chuig d’áit?” agus "Cad é an cód don Wi-Fi?" an-choitianta.

Sin an fáth ar chruthaíomar freagraí gasta, a fhágann go mbíonn sé furasta agus tapa ceisteanna coitianta a fhreagairt. Níl ort ach do theachtaireacht réamhdhréachtaithe a roghnú agus 'seol' a bhualadh. Cosúil le teachtaireachtaí sceidealaithe, tá aicearraí anois i bhfreagraí gasta chun cabhrú leat teagmháil phearsanta a chur le gach teachtaireacht a sheolann tú.

“Tugann freagraí gasta an t-am dom freagra dea-chumtha a chruthú—ceann a bhfuil profléitheoireacht déanta air, ceann atá go hiomlán soiléir, agus, más cuí, ceann atá íogair go háirithe do riachtanais ár n-aíonna,” arsa Sally, Óstach in Snoqualmie, Washington.

Cruthaigh freagraí gasta

Tá an bosca isteach níos iomasaí freisin de bharr na ngnéithe cuardaigh agus scagtha a fhágann go mbeidh sé níos éasca duit an teachtaireacht a theastaíonn uait a aimsiú nuair a bheidh sí uait.

Cuardaigh

Anois is féidir leat an bosca isteach a chuardach ar bhealach níos éasca de réir ainm aoi, cód dearbhaithe, nó eochairfhocail. Chun cuardach a dhéanamh de réir eochairfhocail, níl ort ach clóscríobh sa bharra cuardaigh—cuardaíonn an bosca isteach teachtaireachtaí go cliste tuarthach agus tú ag clóscríobh. (Nóta amháin: is gá d'eochairfhocal a litriú i gceart, nó ní bheidh an bosca isteach ábalta na teachtaireachtaí cearta a aimsiú.)

Eagraigh

Chun cuidiú leat tús áite a thabhairt do shnáitheanna ar bhealach níos fearr agus díriú ar na ceisteanna is práinní ar dtús, is féidir leat do theachtaireachtaí a eagrú trí theachtaireacht a mharcáil mar theachtaireacht neamhléite, réalta a chur léi, nó í a chur i gcartlann freisin.

Scag

Nuair a bheidh do theachtaireachtaí marcáilte mar theachtaireachtaí neamhléite nó nuair a chuirfidh tu réalta leo, beidh tú ábalta iad a scagadh go héasca agus an teachtaireacht atá uait a aimsiú. Cuidíonn deilbhín scagaire ar thaobh na láimhe deise de do bharra cuardaigh leat scagadh de réir an chineáil teachtaireachta agus/nó chéim an turais. Leis an scagaire 'réalta' is féidir leat díriú ar theachtaireachtaí atá tábhachtach, agus ní thaispeánann an scagaire 'neamhléite' ach teachtaireachtaí neamhléite, nó teachtaireachtaí a mharcáil tú mar theachtaireachtaí neamhléite.

Is féidir leat scagadh a dhéanamh freisin de réir liostaithe (má tá níos mó ná ceann amháin agat) agus chéim an turais, mar shampla:

• Fiosrúcháin nó iarratais
• Athbhreithniú ag teastáil
• Seiceáil isteach agus seiceáil amach
• Roimh an turas, le linn an turais, nó i ndiaidh an turais

Le bosca isteach scagtha inchuardaithe is féidir é a dhéanamh níos éasca duit teachtaireachtaí a aimsiú agus freagra a thabhairt orthu, agus fanacht i dteagmháil le haíonna.