An luach is fearr ar airgead a thabhairt

Lorgaíonn aíonna eispéiris a thairgeann caighdeán eisceachtúil ar phraghas maith. Smaoinigh ar conas d'eispéireas a dhéanamh níos speisialta agus gur fiú an praghas a íocann aíonna air.

Bíonn tionchar ag uathúlacht, saineolas, caidreamh, an láthair agus iontaofacht ar an luach foriomlán. Deir óstaigh ardmholta go dtugann siad tús áite do na leideanna seo chun luach ar airgead a chur ar fáil.

• Pearsantaigh do ghníomhaíochtaí. Faigh amach faoi chaithimh aimsire agus teangacha gach grúpa agus eile sa chluaisín Inniu agus sa snáithe teachtaireachta grúpa. Smaoinigh ar ghníomhaíochtaí a chur in oiriúint do na rudaí a bhfuil suim acu iontu.
• Uasghrádaigh an méid is féidir leat. Is mór an cuidiú é ábhair ar ardchaighdeán a chur ar fáil agus taighde maith a dhéanamh ar scéalta. Tá sin fíor go fiú le feabhsuithe beaga, amhail comhábhair orgánacha a úsáid.
• Déan teagmháil le haíonna i ndiaidh an eispéiris. Seol teachtaireacht chun buíochas a ghabháil le haíonna agus chun grianghraif agus moltaí a roinnt. Cuireann na rudaí beaga breise seo aíonna ar a gcompord agus ar a sáimhín só.

“Seolaim léarscáil phearsantaithe de mholtaí i ndiaidh an eispéiris,” arsa Justin, a óstálann turais siúil in Sydney agus in Brisbane na hAstráile. “Is beag treoraí turais traidisiúnta a dhéanann sin. Is mór is fiú é d'aíonna."

Faigheann na heispéiris is fearr féin rátálacha ísle mura síleann aíonna gurbh fhiú an praghas iad. Seo cúpla rud le cur san áireamh agus tú ag athbhreithniú do phraghais.

• Cuir d'eispéireas i gcomparáid le heispéiris den chineál céanna: Cuardaigh gníomhaíochtaí atá cosúil le do cheannsa ar Airbnb agus ar ardáin eile chun comparáid a dhéanamh idir phraghsanna áitiúla agus chun tuiscint a fháil ar an méid a bheadh iomaíoch.
• Freagair ar athruithe ar an éileamh. Bain triail as praghsanna difriúla de réir an ama, an lae, an tséasúir nó imeachtaí speisialta. Mar shampla, seans gur mó an tóir ar an deireadh seachtaine ná ar laethanta i rith na seachtaine.
• Tairg lascainí. Meall aíonna le lascainí ar am teoranta, lascainí luatháirithinte agus lascainí do ghrúpaí móra, agus líon d'eispéireas dá bharr sin. Nuair a thairgeann tú níos mó ná lascaine amháin, faigheann an t-aoi an lascaine is mó a shábhálann airgead air nó uirthi.

“Caithfidh tú níos mó a thabhairt do dhaoine i gcónaí ná mar a bhfuil siad ag súil leis ar an bpraghas,” arsa Evren, a óstálann siúlóid ceoil in Soho i Londain. “Maidir liom féin, ní hionann sin agus níos mó áiteanna a chur le mo thuras. Dírím ar mheascán iontach d'fhíricí agus scéalta grinn chun an luach is fearr ar an bpraghas a chur ar fáil."

Caithfidh na hóstaigh, na grianghraif agus na sonraí liostaithe go léir na caighdeáin agus na riachtanais maidir le hEispéiris Airbnb a chomhlíonadh.

Seans gur athraigh an t-eolas atá sa mhír seo ó foilsíodh í.