Conas do phraghas in aghaidh na hoíche a shocrú

Mar Óstach, bíonn tusa i gceannas ar do phraghas in aghaidh na hoíche i gcónaí, agus is féidir leat é a athrú ag am ar bith.

Mura bhfuil praghas tosaigh ar intinn agat, seiceáil meánphraghsanna liostuithe den chineál céanna in aice láimhe i gcúpla céim:

1. Roghnaigh dáta nó raon dátaí ar d'fhéilire.

2. Tapáil nó cliceáil ar do phraghas in aghaidh na hoíche. Taispeánann cnaipe atá faoi bhun an phraghais deilbhín léarscáile agus na focail “cuir i gcomparáid le liostuithe comhchosúla”.

3. Tapáil nó cliceáil ar an gcnaipe sin chun léarscáil de mheánphraghsanna liostuithe atá cosúil le do cheannsa a tharraingt aníos. Ar an léarscáil, tá an rogha agat meánphraghsanna liostuithe atá curtha in áirithe nó liostuithe nach bhfuil curtha in áirithe i do cheantar a thaispeáint.

Ná déan dearmad nach ionann an praghas in aghaidh na hoíche a shocróidh tusa agus an praghas iomlán a íocfaidh aoi. Chun praghas iomlán an aoi a sheiceáil agus miondealú iomlán ar an bpraghas a fháil:

1. Roghnaigh líon oícheanta ar bith ar d'fhéilire.

2. Faoi bhun do phraghais in aghaidh na hoíche, tá cnaipe “Iomlán d'aíonna” a thaispeánann an praghas iomlán a d'íocfadh aoi as an áirithint sin.

3. Tapáil nó cliceáil ar an gcnaipe sin chun miondealú ar an bpraghas a tharraingt aníos, ina liostaítear do phraghas in aghaidh na hoíche, do tháillí, aon lascainí nó promóisin, cánacha agus do thuilleamh.

Más Óstach nua thú nach bhfuil mórán léirmheasanna agat, b'fhéidir nár mhiste tosú le praghas atá níos ísle ná do spriocphraghas. Leis an bpromóisean liostaithe nua is féidir leat lascaine 20% a thairiscint do do chéad triúr aíonna chun áirithintí a spreagadh. D'fhéadfadh sé go mbeadh aíonna sásta níos mó a íoc as áit le fanacht tar éis di roinnt léirmheasanna iontacha a fháil.

Nuair a bheidh do liostú foilsithe agat, gheobhaidh tú na huirlisí praghsála go léir i d'fhéilire. Uaidh sin, is féidir leat do phraghsáil ar dhátaí ar leith a choigeartú, lascainí agus promóisin a chur leis, agus eile.

Seans gur athraigh an t-eolas atá sa mhír seo ó foilsíodh í.