Buneolas faoi chumarsáid a dhéanamh le haíonna

Is é an chéad chéim chun eispéireas dearfach a dhéanamh d'aíonna cumarsáid éifeachtach a dhéanamh leo. Mar Óstach, cabhraíonn tú le haíonna a chur ar a gcompord agus is féidir leis sin léirmheasanna maithe a spreagadh ach cumarsáid shoiléir phras a dhéanamh ón uair a chuireann aíonna spéis i do spás go dtí go mbeidh siad seiceáilte amach.

Bí trédhearcach. Deir Daniel, Óstach in San Francisco, go mbíonn sé neamhbhalbh i gcónaí faoina áit. “Caithfidh go mbeidh an méid a deir tú le d'aíonna a bheidh ar fáil dóibh agus an méid a gheobhaidh siad nuair a thiocfaidh siad chuig do liostú ag teacht le chéile,” ar seisean. “Is fearr beag a dhéanamh de do liostú agus go siúlfaidh na haíonna isteach in áit atá níos deise ná mar a bhí siad ag súil leis, ná a mhalairt.”

Bí fiosrach. Oscail an doras don ionchuimsitheacht trí cheist shimplí a chur ar d'aíonna: Cad é a theastaíonn uait chun a bheith ar do chompord i mo spás? Is mór an cuidiú é comhbhá a léiriú—agus gan tuairimí a dhéanamh roimh ré.

Bí ar fáil. Is maith le Annette, Sáróstach in San Francisco, a rá le haíonna: “Ná déan iarracht aon deisiúcháin a dhéanamh tú féin, is cuma cé chomh beag. Déan teagmháil linn láithreach, agus réiteoimidne é!” Maidir le gnáthfhadhbanna, úsáideann Óstaigh sheanbhunaithe freagraí gasta chun fanacht i dteagmháil le haíonna.

Bí cineálta: Trí ghníomhartha beaga cineálta is féidir eispéireas níos fearr duit féin agus do d'aíonna a dhéanamh den fhanacht. Má thagann fadhb chun cinn, is minic a deir aíonna gurb é an rud is tábhachtaí dóibh ná an chaoi a bhfreagraíonn an tÓstach.

Fiosrúchán faoi áirithint: Is mór ag aíonna freagra gasta nuair a dhéanann siad teagmháil leat chun d'áit a chur in áirithe. Déan iarracht freagra a thabhairt ar gach fiosrúchán ó aoi laistigh de 24 uair an chloig.

Ní hamháin go bhfuil an fhreagrúlacht tábhachtach chun aíonna a choinneáil sásta, ach tá sí ar cheann de na critéir chun bheith i do Sháróstach. Cuidíonn teachtaireachtaí sceidealaithe leat pleanáil chun tosaigh agus a bheith cothrom le dáta maidir le heolas a roinnt le d'aíonna.

Tráth déanta na háirithinte: Is mór ag aíonna, de ghnáth, teachtaireacht ón Óstach a deir “go raibh maith agat as an áirithint”.

D'fhéadfá do theachtaireacht fáilte a phearsantú le heolas ó phróifíl d'aoi. Mar shampla ceisteanna faoi na rudaí a bhfuil suim aige nó aici iontu, faoin mbaile dúchais agus faoi chaithimh aimsire. Is deis é seo duit freisin le ceisteanna breise a chur, cuir i gcás cuspóir na cuairte agus cé a bheidh in éineacht leis nó léi.

Roimh theacht: Tá treoracha soiléire agus sonraí don tseiceáil isteach ríthábhachtach chun cabhrú le d'aíonna an áit a bhaint amach gan stró.

Freagair ceisteanna coitianta ach na réimsí uile a chomhlíonadh faoin rannóg Eolas d'aíonna den chluaisín Liostuithe, ina measc sin treoracha chuig do spás, treorachadon tseiceáil isteach agus Wi-Fi. Roinnfear é sin i gcluaisín 'Turais' d'aíonna 48 uair an chloig roimh an am sceidealaithe don tseiceáil isteach.

Seiceáil isteach: Tá ráite ag aíonna—go háirithe iad siúd ó phobail a d'imeallaítí san am atá thart—gur le féinseiceáil isteach is mó a bhíonn siad ar a gcompord. Is féidir leat lámhleabhar tí a chur le chéile ina mbeidh eolas faoi mhodh úsáide na gcóras agus na bhfearas éagsúil i do spás.

Tar éis na chéad oíche: Deir go leor Óstach gur maith leo fanacht i dteagmháil le haíonna le linn a bhfanachta. Tá sé úsáideach a bheith réamhghníomhach agus a fhiafraí conas atá ag éirí leo.

Roimh an tseiceáil amach: Abair le do d'aíonna an méid is gá a dhéanamh roimh an tseiceáil amach. Seolfaimid meabhrúchán amach leis an am don tseiceáil amach agus treoracha an lá sula mbeidh siad le himeacht.

Tar éis imeachta: Is fearr léirmheas a dhéanamh ar d'aíonna ar an bpointe boise. Bí measúil i do chur chuige, agus bain úsáid as na caighdeáin chéanna chun gach aoi a mheas. Is maith le roinnt Óstach nóta a sheoladh chun buíochas a ghabháil le haíonna as an bhfanacht freisin.