Téarmaí maidir le Cúpóin Airbnb

Baineann na Téarmaí agus Coinníollacha seo a leanas le cúpóin lena n-úsáid ar ardán Airbnb (“Cúpóin Airbnb”). Tá feidhm ag téarmaí forlíontacha eile a chuirtear ar fáil, mar aon le cúpón, maidir le d'úsáid as Cúpóin Airbnb freisin. Is cúpóin aonuaire neamh-inaisíoctha iad Cúpóin Airbnb. Níl na cúpóin infhuascailte le haghaidh airgead tirim, cártaí bronntanais, ná i gcomhair ceannacháin roimhe seo, agus ní féidir iad a úsáid le tairiscint, cúpón ná lascaine eile. Coimeádann Airbnb an ceart aige féin aon leigheas a fháil, lena n-áirítear an cúpón seo a chur ar neamhní, i gcásanna calaoise amhrasta, mí-úsáide, sáruithe ar ár dTéarmaí Seirbhíse, Téarmaí Seirbhíse Íocaíochtaí, nó earráidí teicniúla. Féach thíos le haghaidh téarmaí breise maidir le Cúpóin Atháirithinte shonracha.

Cúpóin Atháirithinte

Mar chuid de AirCover, nuair a chuireann Óstach d'áirithint ar ceal gan choinne nó nuair a chuireann Fadhb Taistil eile isteach ar fhanacht, féadfaidh Airbnb Cúpón Atháirithinte a thabhairt duit. Ní bheidh an cúpón bailí ach i gcomhair fanachta lena bhfuil dáta don tseiceáil isteach laistigh de bhliain amháin ón dáta a eisíodh an cúpón.

Rachaidh Cúpóin Atháirithinte in éag 30 lá i ndiaidh iad a eisiúint. Le haghaidh tuilleadh eolais, féach ar do chumarsáid ó Airbnb maidir le dáta éagtha do chúpóin. Ní féidir Cúpóin Atháirithinte a úsáid ach amháin i gcomhair áirithint fanachta lena bhfuil luach áirithinte (gan cánacha nó táillí san áireamh) atá cothrom le luach an Chúpóin Atháirithinte nó níos mó ná sin.