Cad ba chóir a bheith ar eolas agam sula bhfreastalóidh mé ar Eispéireas ar Líne ar Zoom?

Is néalardán tríú páirtí é Zoom le haghaidh físchomhdhálacha agus is féidir é a úsáid ar ríomhairí deisce, ar tháibléid, agus ar ghléasanna móibíleacha.

Riachtanais chórais agus nasc idirlín

Sula bhfreastalóidh tú ar d'eispéireas, cinntigh go gcomhlíonann do ghléas riachtanais chóras Zoom agus déan tástáil ar do nasc idirlín trí dhul le cruinniú tástála.

Chun tuilleadh eolais a fháil faoi na riachtanais chórais do ríomhaire deisce, léigh an mhír arRiachtanais Chórais le haghaidh PC, Mac, agus Linux in Ionad Cabhrach Zoom. Chun tuilleadh eolais a fháil faoi na riachtanais chórais maidir le gléas móibíleach, léigh an mhír arRiachtanais Chórais do iOS, iPadOS, agus Android. Chun do nasc idirlín a thástáil, téigh le cruinniú tástála.

Do phríobháideacht a chothabháil agus Zoom á úsáid agat

Tá do phríobháideacht tábhachtach dúinn. Seo na céimeanna atá glactha againn chun cabhrú le do phríobháideacht a chosaint le linn eispéiris ar líne, mar aon le leideanna duit chun do phríobháideacht a chosaint agus Zoom á úsáid agat. Mura gcuirfear aon cheann ar leith de na socruithe seo a leanas i bhfeidhm ar d'eispéireas féin, cuirfimid sin in iúl duit sula gcuirfidh tú in áirithe é.

An tslí a gcabhraíonn Airbnb le do phríobháideacht a chosaint nuair a úsáideann tú Zoom:

• Cruthaítear ID cruinnithe randamach, cosanta le pasfhocal, do gach eispéireas
• Ní féidir eispéiris a thaifeadadh trí Zoom
• Múchtar físeáin aíonna nuair a théann siad isteach i seomra cruinnithe Zoom
• Ní féidir le haíonna a scáileáin a roinnt le linn an eispéiris
• Ní féidir le haíonna comhrá 1:1 a dhéanamh le haíonna eile trí Zoom
• Ní féidir comhaid a aistriú trí Zoom
• Tá gné "an tseomra feithimh" ar siúl de réir réamhshocraithe, rud a ligeann d’óstaigh aíonna a ligean isteach i seomra cruinnithe Zoom duine ar dhuine

Leideanna chun cabhrú leat do phríobháideacht a chosaint:

• Ná roinn an nasc cruinnithe Zoom, atá cosanta le pasfhocal, le duine ar bith eile
• Úsáid an leagan is déanaí d'aip Zoom
• Bí feasach ar do thimpeallacht agus a bhfuil taobh thiar díot nuair a bheidh tú ar cheamara—beidh d’óstach agus aíonna eile in ann é a fheiceáil
• Balbhaigh tú féin go dtí go mbeidh tú réidh le labhairt
• Bí cúramach agus an ghné do chomhrá grúpa á húsáid agat mar beidh na rannpháirtithe uile in ann an méid a phostálann tú a léamh
• Mura mian leat d'ainm iomlán a chur ar fáil d'aíonna agus d'óstaigh d'eispéiris, is féidir leat ainm difriúil a chur isteach nó úsáid a bhaint as do chéadainm amháin agus tú ag logáil isteach in Zoom
• Ná glac seat scáileáin ná grianghraif de d'óstach ná d'aíonna eile gan cead a fháil uathu

Teidealú dúnta

Chun go mbeidh sé níos éasca do dhaoine atá faoi mhíchumas agus do dhaoine a bhfuil riachtanais inrochtaineachta eile acu páirt a ghlacadh in eispéiris ar líne, tá feidhmiúlacht teidealaithe dhúnta cumasaithe againn ar Zoom. Féadfaidh óstach nó comhóstach, Zoom, nó soláthraithe seirbhíse tríú páirtí seirbhísí teidealaithe dhúnta a chur ar fáil, agus d’fhéadfadh sé nach mbeidh siad ar fáil i ngach teanga.

Beoshruthú

I roinnt cásanna, d’fhéadfaimis eispéiris ar líne a shruthú beo ag úsáid ardán mar Facebook, YouTube, nó Kaltura. Is féidir leat tuilleadh eolais a fháil faoin gcaoi a ndéantar cruinnithe Zoom a bheoshruthú ar YouTube agus ar Facebook in Ionad Cabhrach Zoom. Má tá Eispéireas Airbnb le beoshruthú ar ardán tríú páirtí, cuirfimid sin in iúl duit sula gcuirfidh tú in áirithe é.

Cá háit le bualadh le d’óstach

Gheobhaidh tú nasc chun dul isteach san eispéireas ar líne i do ríomhphost deimhnithe, agus sa ríomhphost meabhrúcháin a sheolfar sula dtosóidh an t-eispéireas ar líne. Is féidir leat é a fháil freisin in eolas d'áirithinte atá le fáil sa leathanach 'Turais'.

Logáil isteach in Zoom 5 nóiméad ar a laghad níos luaithe lena chinntiú go bhfuil gach rud ag oibriú i gceart agus go mbeidh tú in am don eispéireas. Tá sé tábhachtach a thabhairt faoi deara go bhfuil an rogha ag d’óstach aíonna a bheidh déanach a dhiúltú, agus nach mbeidh aíonna a thagann isteach go déanach incháilithe i leith aisíocaíochta. Faigh tuilleadh eolais sa mhír ar ár bPolasaí um Aíonna a Aisíoc maidir le hEispéiris.

Fadhbanna le Zoom

Cinntigh go bhfuil an nasc ceart agat do d'eispéireas ar líne. Mura bhfuil an nasc ag obair, dún Zoom agus bain triail as an nasc arís. Mura bhfuil sé ag obair fós, cuir teachtaireacht chuig d’óstach lena dheimhniú an bhfuil fadhbanna aigeasan nó aicise le Zoom, nó nach bhfuil.

Má tá Zoom ag iarraidh pasfhocal ort, cuir teachtaireacht chuig d'óstach trí Airbnb chun an pasfhocal a iarraidh.

Ar deireadh, mura bhfuil aon fhadhb ag an óstach, tabhair cuairt arIonad Cabhrach Zoom.

Fadhbanna príobháideachta nó sábháilteachta le linn an eispéiris

Má thagann tú ar aon ábhar míchuí, nó má bhíonn ceist agat maidir le príobháideacht nó sábháilteacht le linn d'eispéiris, déan teagmháil le tacaíocht phobail Airbnb agus tuairiscigh é. Cuir an oiread eolais agus is féidir leat ar fáil agus déanfaidh Airbnb imscrúdú ar an bhfadhb.