Conas a oibríonn bailiú agus íocaíocht chánach áitíochta de láimh?

Go ginearálta, ní mór do na hÓstaigh cánacha áitíochta a bhailiú de láimh mura bhfuil bailiú agus íocaíocht uathoibríoch cánach áitíochta ar bun ina ndlínse. Fiú má bhailíonn agus má íocann Airbnb cánacha áitíochta áirithe thar do cheann go huathoibríoch, d'fhéadfadh sé go mbeadh ort cánacha áitíochta eile a bhailiú de láimh go fóill. Mar shampla, b'fhéidir go mbailíonn Airbnb cánacha réigiúnacha ach nach mbailímid cánacha áitiúla in áiteanna áirithe.

Cánacha áitíochta a bhailiú de láimh

Tá roinnt bealaí ann ar ar féidir leat cánacha áitíochta a bhailiú de láimh ó aíonna:

• Má tá tú ag úsáid uirlisí óstála gairmiúla, b'fhéidir go mbeifeá in ann cánacha a chur le liostú
• Is féidir leat cáin a chur san áireamh laistigh de thairiscint speisialta
• Is féidir leat cáin a bhailiú ó aíonna trí mheán an Ionaid Réitigh tar éis seiceáil isteach

I ngach cás, tá sé tábhachtach go gcuirfidh tú aíonna ar an eolas faoin méid cánach go díreach atá i gceist sula ndéanfaidh siad áirithint. Na hÓstaigh a chaithfidh cánacha áitíochta a bhailiú go pearsanta, níor chóir dóibh iad a bhailiú go dtí do dtiocfaidh aíonna. Ní féidir linn cabhrú le bailiú de láimh.

Oibleagáidí eile cánach

Molaimid taighde a dhéanamh lena chinntiú go dtuigeann tú agus go gcloíonn tú le rialacha agus oibleagáidí cánach áitiúla ar bith a bhaineann le do liostú. Seiceáil le do rialtas áitiúil nó le gairmí cánach chun eolas a fháil faoi chánacha breise, faoi rialacha, nó faoi rialacháin a d'fhéadfadh a bheith i bhfeidhm i do chás-sa.