An dóigh ar choinnigh máthair a teaghlach sábháilte ó fhalscaithe

Nuair a thug Marianne agus a teaghlach coileán nua darb ainm Toby chuig a dteach in Wrightwood, California, is ar éigean a shamhlaigh siad go n-aslonnófaí iad léi an lá dár gcionn. Chaith siad gnáthmhaidin Dé Máirt, an 10 Meán Fómhair. Chuaigh iníonacha Marianne—14, 12 agus 9 mbliana d'aois—ar scoil, agus d'oibrigh sise óna paitió faoi spéartha glana.

Faoi bharr tráthnóna, d'ardaigh an ghaoth agus thit luaithreamhán anuas ón spéir de réir mar a dhruid Dóiteán Line orainn. Cé gur dhearbhaigh na hoifigigh go raibh gach rud go breá, bheartaigh Marianne ar na cailíní a thabhairt abhaile ón scoil. Chonaic siad mar a chuaigh cúrsaí in olcas. “Bhí cuma iar-apacailipteach air,” arsa Marianne. “Dúirt m'fhear céile agus mé féin leis na cailíní a gcuid málaí a phacáil.” Fuarthas an t-ordú aslonnaithe go gairid ina dhiaidh sin.

Idir an dá linn, chuaigh Airbnb.org i gcomhpháirtíocht le heagraíochtaí neamhbhrabúis áitiúla i gcontae San Bernardino, Hearts & Lives agus Visit Big Bear, chun aslonnaithe a chur i dtithíocht Airbnb saor in aisce. Thairg triúr óstach Airbnb cabhrú leis na comhpháirtithe aíonna a fháil agus an scéal a scaipeadh faoi thithíocht éigeandála trí Airbnb.org. Chruthaigh Tara, Katie agus Monique foirmeacha glactha, chuir siad postálacha ar na meáin shóisialta agus d'oibrigh siad ó dhubh go dubh leis na comhpháirtithe áitiúla chun cabhrú le haslonnaithe ina bpobail.

“Bhí daoine i ndeireadh na feide,” arsa Tara. “An faoiseamh ina nglór nuair a chuala siad go mb'fhéidir go mbeadh spás acu dá naíonán a bheith ag lámhacán, níocháin a dhéanamh, béile a réiteach—is é sin fuaim an fhíorbhuíochais.” Le cabhair ó óstaigh agus ó chomhpháirtithe, chuir Airbnb.org tithíocht ar fáil do bhreis agus 1,000 cónaitheoir in San Bernardino a bhí easáitithe ag Dóiteáin Bridge agus Line, na céadta páiste agus peata san áireamh.

Bhí teaghlach Marianne, Toby san áireamh, ina measc siúd a d'fhan i dteach Airbnb saor in aisce fad is a bhí siad faoi ordú aslonnaithe. “Bhí ár saol ar fad bun os cionn. Ba mhór an faoiseamh é áit a bheith againn ina bhféadfaimis a bheith ar ár suaimhneas ar deireadh,” ar sise. Thug sí chun cuimhne cúpla earra níocháin a dhíphacáil den chéad uair leis na laethanta fada. “Rud chomh beag a bhí ann, ach ba mhór agam áit a bheith agam chun mo chuid stuif a chur agus roinnt smaointeoireachta a dhéanamh ar deireadh.”

Tar éis coicíse ar shiúl, bhí an teaghlach in ann filleadh abhaile go sábháilte; chonaic siad a gcuid ainmhithe arís agus d'fhill na cailíní ar scoil. Ba é sin an dara huair a aslonnaíodh Marianne agus a fear céile de thoradh falscaithe ó bhog siad go Wrightwood in 2015. B'fhéidir nárbh é sin an uair dheireanach a bheidh orthu imeacht, ach dúirt Marianne go mothaíonn sí go bhfuil an t-ádh uirthi a bheith ina cónaí i bpobal atá lán tacaíochta, go háirithe i gcásanna éigeandála.

“Bhí go leor rudaí ann nach raibh ar eolas againn, ach thug Airbnb.org dóchas agus cinnteacht dúinn go dtiocfaimis slán as—agus ní ar éigean sin, ach go dtabharfaí aire dúinn agus go mbeadh tuirlingt bhog againn."

Téann 100% de na tabhartais go díreach i dtreo tréimhsí fanachta saor in aisce a mhaoiniú do dhaoine atá i ngátar.